ساعدوني مديرتي راح تقيمني بالطلب اللي طلبته منكم

مافهمت عندكم مجلس امهات يعني وتبون بطاقات دعوة؟
اذا قصدج مدرسة وعندكم حفل للأمهات.. شرايج تشركين الطالبات معاج "من باب التشجيع على المواهب لووول" وتخلين كل بنت تسوي بنفسها كرت دعوة لأمها.. بمجهودها وبأدوات من المدرسة أو من حصص الفنية أو من البيت.. وتكتب كل بنت كلمة لأمها بخطها وتعطيها لها..

تشجيع للبنات للابتكار.. وتعبير حلو ودعوة لا ترفض من قبل الامهات.. وتوفير وقت وجهد عليج كككككك... انتي دورج بالاشراف وتعطينهم كم فكرة من عندج بس التنفيذ يدوي.. راح تلاقين الاف الافكار والاشكال عندج بدون جهد....

كتبى على البطاقة امى الحنونة احبك واااااااااااايد

فكرة دبدوبه رهيبه لكن انا من راي تاخذين احسن فكره وتخلينها موحده للامهات كلهم:)

مشكوررررين على افكاركم الرائعة بس ودي بأكثر لو سمحتم أبيهاااااااا قمة في الروعة وبصراحة أنا ماأثق بعمل طالباتي شكلهم ماعندهم فن أبدا ...
ودمتم يا أحلى بنات حواء

اوكي عندي فكرة بس تخيلي معاي طيب...
جيبي ورق مقوى.. وارسمي دائرة كبيرة بحجم ينفع كبطاقة.. بعدين ضيفي دائرة صغيرة فوق الدائرة الكبيرة"هاذي الراس".. ارسمي ضفيرتين واعملي لها وجه كرتوني.. على جوانب الدائرة ارسمي يدين وتحت الدائرة ارسمي جزمتين"الله يكرمج والسامعين".. واضيفي عاد انتي لمساتج عليها.. الدائرة بالنص هي الجسم ممكن تكملين الرسم عليها وتسوينها مريول وتضيفين لها جيوب.. الزبدة لما تخلصين ممكن تنسخين اللي سويتيه بأي مكتبة بالألوان.. وتكتبين بالدائرة كلمات الدعوة..

اذا تبين تصيرين رائعة ممكن تضيفين خيوط الصوف القصيرة وتسوين منها الضفاير او الشعر.. وتحطين خرز للعين مثلاً .. يعني تجسمين الكرت.. بس طبعاً هذا بياخذ وقت أكثر لكن شكلها بيطلع روعة وبيتحسفون يرمونها خخخخخخخ

متى عاد الحفلة؟