ساعدوني معاناة ٦ سنوات 😓

السلام عليكم

من بعد ولادتي قبل 6 سنوات اصابني اكتئاب الولادة
وبعد ٨ شهور خف الاكتئاب وظهرت المخاوف
خوف من الموت
وتغلبت عليه وجاءني وسواس المرض
فكل الم افسره انه سرطان
حتى لو كان شي بسيط واعيش في خوف ايام واسابيع
مفكرة ان عندي لاسمح الله
وكل يوم على هالحال اشوف الالم في جسمي واقول ان فيني مرض
اشخص نفسي فاليوم مليون مرة
واحس اني بموت عن اطفالي واجلس اسوي سيناريو شلون بعرف وشلون بموت
وصرت ماحب الحياة كلها مقفلة في وجهي وكئيبة واحس اني مقصرة مع اولادي لاني عايشة في حزن دايما
والي زاد الطين بلة ان امي جاها المرض فالثدي وصرت في دوامة وخايفة يجيني ورحت سويت اشعة والتراساوند

الحين دخلت الحمام الله يكرمكم شفت لون اسود فالبراز وجلست اوسوس ليكون هذاك المرض رغم اني ماعندي اعراض ثانية ومو قادرة حتى اكل ولا انام زين بس افكر فالشي هذا وخايفة اروح الطبيب ماعندي شجاعة ولاقوة


تعبت بنااات بليييز الي مرت بهالحالة وطلعت منها تعلمني
سويت رقية شرعية
وقريت سورة البقرة واذكار وكل شي
بس انا مثل ما انا مو راضي اتخلص من هذا الخوف
رحت طبييب نفسي عطاني سيبرالكس
بس من خوفي ما خذته
بنات اذا فيكم احد مجربه يقوليي لاني اخاف اني ماقدر اوقفه

ساعدوني بنات الله يخليكم لان ضاقت بي الدنيا واحس اني بضل كذا طول حياتي خايفة