ساعدوني مع خطيبي وعطوني حل الله يخليكم؟

أن ادري انك بتموتين عليه واضح من كلامك إنك تحبينه واااايد لكن بقولك شئ ترا المفوض انك تثقلين شوي ولاتاكلين في نفسك خليك عارفه كل متغليتي عليه اكثر كل مشتاقلك اكثر والرجال مايبينون مشاعرهم دايما يكتمونها في انفسهم ...

تعاليله بإسلوب غير ارسلي له ...مسجات مره حلوه ومؤثرة ولاتدقين عليه وإذا مره دق ليك
قوليله مشغوله مو بس هو ينشغل ...حتى انت بعد وحده بوحده خخخخخخ

اما كثرة العتاااااب والله ماتصلح بتخلي زوجك يتضايق منك ومن اسلوبك ..وإذا نت تحبينه لاتكثرين معاه بالكلام يعني وضحي له انك تحبينه بس بالتصرفات ...

يعني مثلاً اعطيه هديه ....وابتسمي ...موتتكلمين كثير معاه ...لا...

خليه يتلهف على كلمة احبك ((طبعا انا متأكده ...إنك قايلته له مليون مره) الله يخليكم لبعض
بس بتصفاتك الذكية خليه يشتاق يسمع هالكمه منك ..

انا قاعده اكتب بشويش على لوحة المفاتيح خايفه ابوي يصحا من النوم لكن حبيت اساعدك واقولك سر (((انا احب الكويتييياااات كثير))لاني احس انهم طيبين وكرماء ويحبوووون الوناسه
ونزلت موضوع كتبت فيه هالكلام حذفوه وقالوا ممنوع مدري ليه

المهم باااااي ابوي يشخر تشخير قوي شكله بيقوم علي ويكسر راسي

إختك بنت القبايل 2 خخخخخخخخ

ايوه صح نسيت قلبي الموقع هذا في اشياء حلوه للمخطوبات إدخلي معاهم وإسأليهم لوكنت مخطوبه ساعدتك

إدعي لي انخطب اساعدك =====>>> مصلحجية خخخخخخخخ

والحياه الإسريه فيها حيل خبييييثه لابو الشباب إدخلي وتثقفي وحافظي على اللي تحبينه

اختي هو صح تصرفاتج نابعة من حبج له بس هالتصرفات تضايق الريايل
هم وقت الشغل ما يفكرون لا في زوجاتهم و لا اهلهم و لا حد مب مثلنا
مو معناته اذا انشغل عنج ان حبه لج نقص بالعكس بتشوفينه كلما تأخر عليج كلما اشتاق لج اكثر و اكثر و انت بدال ما تعاتبينه راويه شكثر اشتقتيله و كلميه بطريقة حلوة لا عتاب و لا زعل ترى هو ما سوى شئ غلط و اسلوبج هذي مثل ما هو قال لج يثقل عليه و مع الوقت ما بيستحمله
عذري الريال و عطيه حريته شوي و انت حاولي تشغلين نفسج بعد
والله يوفقج

ياحبيبتي نصيحه من اختك اللي تحبك

ياعمري والله داريه قد ايش انت تتعبي لانك تحبيه بس لازم لمى تكلميه مز تعاتبيه لان والله يطفش ويااااااااااااماااااا رجال طفشو من دا الشي

يعني اذا كلمك بعد غيبه كلميه عادي بعدين قوليله إني ولهت عليك موت بس بدون عصبيه

كمان لازم تراعي ان الرجال عنده مشاغل

نصيحه مني لاتخسريه

يا عمري اناادري انك تحبينه حيل بس غيري اسلوبك قبل لا يطفش يعني حاولي تثقلين لا تقعدين تحققين معاه وتزعلين على الرايحة والجاية ترى والله بيصبر بعدين خلاص يطفح الكيل .. حاولي تغيرين من نفسك تعلمي اشياء جديدة كيف تتعاملين معاه كيف توضحين له شوقك ولما يقولك انا مشغول لا تقولين لا مابيك تنشغل عني .. لا قولي يا عمري انا ادري اشكثر انت تتعب بشغلك ربي يعينك وقلبي معك طمني عليك اذا خلص شغلك وحاولي تشغلي نفسك لا تدقين خليه يدق لما يخلص شغله .. أتمنى لك التوفيق وربي يسخر لك زوجك انا ما جربت بس الحياة تعلم الواحد ..


على فكرة انت متملكة ولا لا؟؟