ساعدوني مع زوجي

انا مرة كلمت زوجي بموضوع انه ابيه يصارحني عن حبه ويبين لي مشاعرة فقال لي من الاخر انا كذا وماراح اتغير ولا تحاولي تغيريني لان لازم يكون بينا اختلافات واتصوروا يا بنات حتى اني دمعت لما كلمته ولا هو هنا كان يكلمني وهو ماسك اوراق شغله ...واليوم الصبح ارسلت له رسالة رومنسية حيل
ليتنــي بحضنـك طـول الأيـام \ مسجـــوون \
و اقـول حطـوا من ورى القفــل قفلـين ..
تحضني بقوة و اقـول بالهــون
حتى نصيـر بجسـم واحـد و قلــبين ..!
مفتــون بي و انا بعــد فيـك \ مفتــوون
ارسلت له هذا وكتبت له بالاخير صباح الحب ورد علي بمسج صباح الحب فقط مع قلب لونة ازرق ولما جا بالعصر مع العيال سلمت على عيالي وبستهم ورحت اسلم عليه فسلم علي عادي ماشفت اللهفة اللي كنت ابي اشوفها بعيونة ورحت له داخل الغرفة وحضنتة من ورا وقلت له فهمت المسج قال ايوا قال كنت بالشغل لما ارسلتي لي قلت له كنت مشغول قال ايوا وراح ينام وبعدين اتخيلوا بكل برود قال لي اسالي الشغالة غسلت لي ثوبي ههه والله تعبت معاه...