ساعدوني مع لسان ولدي

السلام عليكم ورحمة الله وبركاته
اللهم اشفي ولدي شفا لا يغادره سقما
موضوعي يا بنات انه ولدي عمره 4 سنوات ونص وما شاء الله عليه يتكلم بس الكلام ما واضح يعني مثلا يشيل اول مقطعين من الكلمه ويبدلهن بحرف الألف مثلا سفينة يقول اينه وبعده عنده مشكله التأتأه وما شاء الله مخارج الحروف عنده صحيح ما عداء صعوبه في حرف الراء والالم والشين بصعوبة يطلعهن بصوره صحيحه شليته عند اخصائيه نطق وتخاطب وبعد جلسات قالت لي ولدك ما يرفع لسانه للأعلى او لليمين او لليسار يمكن يحتاج جراحه وانا يا اخواتي تفاجأت شو جراحه وهي ما متأكده بس انا لما رجعت البيت حاولت معاه يرفعه للأعلى يطلع لسانه للخارج ويحاول يرفعه بس ما يرفعه بقوه للأعلى يا دوب شوي وكذلك لليمين ولليسار بس شوي نصحوني شوروا علي ابوه يقول لي اصبري عليه لحد ما يكبر هو الحين ف الروضه ومأثر ع دراسته أحسه الاستاذه ما تفهم عليه في حفظ المقررات فكيف بعدين لما يروح للمدرسه شو الحل أخليه ويمكن يتغير لما يكبر او اشوف موضوع احتمال ربط لسان اخاف أسويها وهو ما فيه شي ويأثر عليه
مع العلم عشان موضوع التأتأه احاول كل صباح أعطيه عسل طبيعي وملح وامسح ع لسانه

للأهمية ارجوووووكم ساعدوني