ساعدوني منهاره نفسيا من زوجي

السلام عليكم
بنات عندي مشكله صارت لي هاليومين ومررره ضسايق صدري وبس ابكي
حسبي الله عالرجال هبلو فينا وحابو لنا الامراض النفسيه والقلق والهم
الي صار اني وصيت زوجي على مقاضي وكلمته وهو فالعمل قلتله اني بطلع قال طيب وعلى طريقكم جيبو الاغراض مره وحده لانها قريبه من مشواري قلتله طيب
رحت مشواري وجبت الاغراض ورجعت البيت عالعشا وزوجي لسى ماجا كلمته اقوله وينك يافلان قال موشغلك
انصدمت من رده لي وكان منفس علي اقوله وينك يقول موشغلك يمكن 3 مرات يعيدها وانقهرت مره من اسلوبه وعدم احترامه معاي
فالاخير يقول تبين شي بنفس شينه قلتله لا وقفلت
لمن رجع من برا طلع جايب الاغراض هو كمان وكان عادي يتكلم مو منفس نفس التلفون

المهم انصدمت لمن شفته جاب الاغراض لانها كثيره وصارت مكرره حرام بتخرب وقعد يهاوش ليه ماقلتي لي انك بتجيبينها ومدري ايش قلتله انت ماعطيتني مجال بالتلفون اسالك وينك منفس علي وانا مزاجي انقلب من اسلوبه الزفت مره مقهوره منه بس حاولت امشيها مابي مشاكل ووجع راس


المهم عطاني ملابسه حق العمل عشان اغسلها ولمن جيت بغسلها حصلت فيها لون احمر متفرق فكذا مكان في الكم ومكان الجيب وعند طرف الكم انا عقلي طار مادري هو دم ولاشي ثاني قعدت الافكار توديني وتجيبني


رحت له وانا متنرفزه واساله وين كنت طبعا هو عصب ان اش هالاسلوب البايخ وكلميني باحترام وصارت مشاده بينا وواجهته بالقميص قلتله اش الي فقميصك طبعا هو ماعجبه الاخ وقلعني من الغرفه باسلوب زفت
خرجت وانا منقهره ومحتره وبس ابكي


اليوم الثاني حاولت اعدل الوضع لان نفسيتي تتعب من الزعل وانغث وهو ولا عليه المهم ضميته بس هو كان صاد ويكلمني بطرف خشمه مرره قهرني اخرتها رجعنا تهاوشنا وطلعت من عنده وابكي وقلت لنفسي ماراح استسمح منه قلعته يرضى من نفسه والله يصبرني
مشكلتي ماحب الزعل وفالاخير انا الي اتنازل وهو ولاهمه نفسه طويل عادي عنده لو نقعد شهر متزاعلين مافرقت معه


الحين بعد ماسردت القصه بالتفصيل الممل مين الغلطان فينا؟؟ احيان اقول انا زودتها وبروح اعتذر له واحيان اقول لا هو ليش يكلمني باسلوب زفت من البدايه اش سويت له عشان يعاملني هالمعامله وليه مايوضح لي وين كان واش الي على قميصه صراحه تصرفاته مررره صارت تشككني فيه وصار يكذب كثير واكشفه بعدين وانصدم اكثر صرت ماعاد اثق فيه


عفكره انا من اول شايله عليه مررره وكل مره ازيد فقلبي واسكت وانكتم شي من تعامله الزفت وشي من ادمانه للمقاطع الاباحيه وكذا مره اكشفه واعديها له وشي من انشغاله مايقعد معي مررره يافالعمل ياعالجوال اما انه يخصص وقت لي مستحيل مخليني عالهامش ماكاني عايشه معه. انا صراحه تعبت مره من هالوضع ماكاني عايشه مع زوج كاني لحالي فالبيت حتى العيال مايدري عنهم ولا عن دراستهم


وكذا مره اكلمه مايفهم او يسكتني ويقول جبتي لي الغثا والنكد مايحب يتفاهم ولايتناقش يبي الحرمه عبده عنده .. مررره تعبت ياربي لين متى احسه جابلي الامراض النفسيه شخصيتي اختلفت تماما وصرت مهمومه وكثر الشيب فراسي بعد ماكنت حيويه ومضرب المثل للبنات انقلبت بسببه وبسبب تعامله
حتى اطفالي صارو معقدين لاني احط حرتي فيهم وطول الوقت اهاوشهم صارت شخصياتهم مهزوزه


الكلام ملخبط في بعض بس اعتبروها فضفضه قبل انفجر لاني مستحيل اشكي لاحد فالواقع 😓