ساعدوني...... من اجل ابنتي .. الله يحفظها ويرعاها...

أصلا بيكون البيبي صغنووووووووون .......وطول الوقت نايم في ذيك الساعة أهتمي ببنوتتك

وحسسيها بحنانك وكوني قريبه منها .......

أعطيها حلاوة وقولي لها هذي من عند النونو

الله يساااااااااااااعدك ويعينك عليهم

الغيرة شي لا بد منه وما بتقدري تتجنبيه

بس المفروض تهيئيها من أول حملك أخوك أو أختك رح ييجو وبتلعبي معهم وبتحبيهم ... من هالكلام شوقيها ...

هلا وغلا فيك يا هواجيس

والله يهون عليك وتولدين بالسلامه 00


وبالنسبه لبنتك بالعكس عمرها حلو انك تجيبين فيه لها بيبي ثاني يعني ما راح تكون ذاك الغيره 0


وانا بالنسبة لي يوم جيت اولد كان عمر بنتي سننتين وشهر وكنت من يوم اني حامل اقولها هنا فيه بيبي واخليها تمسك بطني واروح عند احد عنده بيبي صغير واقول
تبين نجيب واحد زيه <<<<<<<<عاد هي تقول من بقاله
المهم يوم ولدت وجتني المستشفى خليتها تشيله وصورتها وحبته بس وطلعت تلعب ما استوعبت وشو ذا 00

يوم طلعت من الاربعين كثفت روحات اللعب شوي لها 00
واي شي تقول اقولها سمي ابشري <<<< طبعا في اوقات الروقان الننادره لاني احيانا اعصب بقوه بسبب قلة النوم 0

ويوم كبر شوي اقولها انتي كبيره ساعديني 00 واعطيها شي واقول هذا منه

وتعالي نغيرله 00 وامسكي رضاعته وتمسكها ويدي معها طبعا0
واخليه بحظنها شوي 00





المهم الحمدلله حبته وصرت ما اخاف اني انشغل شوي وهي عنده الا احيانا لو كانت معصبه مني اخاف منها عليه 0


فانتي حاكيها وخمميها واجد وقوليلها كلام زين مثل ( انتي بنتي انتي قلبي 000)


واشركيها معاه على خير بعدين وبكذا ان شاء الله تحبه 0




وانا فعلا حسيت ان كل ما قل الفرق بينهم كان افضل وخصوصا اول طفلين 0

طبعا ما فيه زياده على كلام ريماز بس ممكن يوم الولاده تكونى محضره هديه مغلفه معاك في المستشفى و لما تيجى اعطيها اياها و قةلى لها هذى من البيبى و هو يحبك و جابلك هديه و خليها تشوفه و تبوسه و انت خليها بحضنك بس لا تزوديها لأنها ممكن تدلع و تصير تبغاك طول الوقت معاها

جزاكم الله خير يابنات

بصراحه كلامكم اعجبني ولا اخفيكم سرا اني من حملت وبدت تستوعب شوي وانا اقولها وااشر على بطني اقول هينا في نونو ..

والحين لمن اسألها وين النونو؟؟؟ علطول تحط يدها على بطني وتقول ...هيه هينا

ودايم اضمها واقول انتي حبيبتي وقلبي وعمري ..

بس يابنات المشكله البنت صغيره ماتفهم كل كلامي ...
يالله توها بدت تمشي ..

يعني ما اقدر اقول نجيب نو نو او تبين نونو .. حتى لو قالت ايه .. اعرف مو فاهمه ؟؟؟؟

وسالفة الهديه والله كثير اعجبتني ... بس نفس المشكله والله متدري وش السالفه ومنهو اخوها وش سالفة الهدايا.... وغير تاخذ الحلاوه وتا كلها وخلاص...!!!

بس انا خوفي لمن اضمه او ارضعه ان شالله ...
خايفه على نفسيتها ..

لكن حتى النوم ان شالله بخليها تنام معاي عالسرير نفسه ...

بس برضو انا اللي شفته من الاطفال والله اقلقني وخصوصا انهم كلهم اللي شفتهم بسنها ...