رفع

انا وصفته الدكتورة ايمان الحربي في مركز بسمة تفاؤل في الرياض لابني عمره3 سنوات و8 شهور لان عنده تشتت انتباه وابتديت بالتدريج بجرعة ربع مل الى ان وصلت الى 1 مل والهدف من التدريج تقنعنا بفعاليته ولاهي تقول الطفل ما يدمن عليه تعطيه وتقطعه والولد ما يحس بشي بصراحه لاحظت على ولدي صار يركز اكثر من اول مشتت ولا يلعب مع اخوانه ويضربهم ويفسد ويكسر الحين صار اقرب للطفل الطبيعي يلعب مع اخوانه ويساعدني في اي شغلة تعجبه ويفذ الاوامر لكن يا قلبي عنده ضعف في النطق دكتور التخاطب يقول عمره اللغوي سنه انا عني مستحيل اقطع العلاج عنه بعد ما شفت الولد تحسن كثير معاه طبعا ولدي شخص بفرط حركة وتشتت انتباه وهو عمره سنتين في المستشفى السعودي الالماني في الجنوب بس زوجي رفض يعطيه الدواء قال اخاف عليه ومن ذاك الوقت وابني من سيء الى اسوء كل الاطفال اللي في سنه واصغر منه يتكلمون وهو مثل المجنون بينهم لا يتواصل معهم بصريا ولا يتفاعل نهائيا لدرجة ان الناس قالوا ابنكم عنده توحد ولما رحنا للدكتوره بعد ما بكيت وصحت وقلت ولدي انت مهمله وكل مره تقول ما عندي فلوس وبكره وبعده ووافق نروح قالت لزوجي انا زعلانه منك لانك تأخرت الولد فاته اشياء كثيره ومبسوطه لانك جبته في ذا السن نلحق عليه لان بعض الاباء ما يجيب ابنه الاوصار عمره 6 سنوات هذي المصيبه وقالت فائدة العلاج ان الطفل يركز ويكتسب مهارات ومتى توقف العلاج توقف الطفل عن اكتساب المهارات وتأخروا عن اقرانهم العلاج مفعوله يكون على المخ انا اقول لكل ام واب يمنعون طفلهم من علاج ريسبيدال بداعي الخوف عليه ويكتفون بالعلاج السلوكي انتم تغلطون في حق طفلكم وتخلونه يتأخر عن افرانه اليوم هو معكم وبين ايديكم بكره اذا كبر وخرج للعالم ما احد بيتفهم انه انسان يحتاج معامله خاصه ومرا راح يتوفق في حياته المهنيه شوفو اطفالنا الاصحاء يادوب الواحد ينجح في دراسته ويمكن يتوفق في وظيفه ويمكن ينسدح عند امه وابوه في البيت فما بالك بطفل عنده مشكله في مخه تعيق حياته وانا سمعت الدكتور طارق الحبيب يتكلم عن دراسه اجريت في امريكا وجدوا ان الاطفال اللي تلقوا علاج دوائي مع العلاج السلوكي توفقوا في حياتهم المهنيه والاجتماعيه بعكس اقرانهم اللي اكتفوا بالعلاج السلوكي او الاطفال اللي ابائهم رفضوا العلاج الدوائي ولا اهتموا بالسلوكي في امريكا واروبا سبقونا بسنين وعانو واجروا ابحاث ودراسات والمرض هذا كان موجود في عايلتنا اخو جدي ما احد زوجه ولا كان عنده مهنه وتوفيت امه وهو رضيع وطاح في زوجة ابو ما ترحم كان تضربه ولاترحمه واخوته اللي اصغر منه تزوجوا وكانوا يجبرونه على الشغل وكانوا يضربونه لانه مايركز معهم وينكتون عليه طبعا هو مات وعمره 80 سنه الله يرحمه كان من مساكين الدنيا أسأل الله العظيم انه يجعله ملك من ملوك الجنه عاش في زمن جهل وجاهليه وظلم انا قلت القصة هذي لكل ام واب يساعد طفله بالموجود والمتاح لان الدنياماترحم ولا الناس ترحم طولت مره بالهرج بس اتمنى اكون افدت واهم شي طلعت اللي في خاطري مره مقهوره على ولدي الله يشفيه يا رب ويشفي مرض المسلمين

السلام عليكم .... ماقصرو البنات بس بغيت اضيف استعمال الدواء بالتدريج وايضا تركه بالتدريج لاتقطعو العلاج فجاه يسبب اعراضه انسحابيه لان تركيزة في الدم انا ولدي مرة خلص الدواء وكنت اجهل استعماله تركته فجاه وسبب اعراض انسحابيه صار يسوى حركات براسه لا اراديه

أنا استخدمة ثلاث سنوات ساعد على هدوء وتركيز ومستمرة عليه