ماشاء الله الاخوات ماقصرو ..

شوفي عني انا اجيب معايا البهارات والبن والهيل لانها غير موجودة هنا وترى انا في نورث كارولاينا وان شاء الله بعد العيد رايحة زيارة لـ ساوث كرولاينا وقت المؤتمر الاسلامي ..

كمان التمر مرة مهم ..واجيب جلي لانه اليي هنا تتعبي الين تلاقي حلال ..ومرات اجيب كريم كراميل لاني اشتهيه وشوية قشطة وجبنة حق المزاج ..

وزي ماقالو البنات العبايات خذي قد ماتقدري لانه فعلا الاستهلاك زي الناس ومافي في الاسواق ..اظن 2 ماتكفي والله اعلم ..خاصة في الحر.

كمان شي عن الملابس جيبي لك طقمين حقت جمعات عصريات كدا والباقي ان شاء الله تلاقيه هنا ..بس على فكرة مافي تنانير زي العالم يا مفتح ياقصير فين وفين تلاقي تنورة تفتح النفس.

واي سؤال انا حاضرة :)

اهم شئ القهوه والهيل والزعفران والتمر

يعطيكم الف الف عافيه ماقصرتوا

من جد كنت محتاره

بس بأسأل مايحوسونكم بالتفتيش بالمطار اذا لقوا معاكم بهارات وهيل وقهوه وخرابيط أكل ؟؟؟؟

ومايخذونها منكم علموني بسرعه لاني مسافره بعد 3 اسابيع بالضبط وخايفه لاني باكون لحالي وماودي اتبهذل ................(( أول مره تسافر لامريكا))

الحمد لله في كل مرة نمر بسلام...لانه ابو زوجي عنده مخبز,,, فناخذ التمر والبهارات والاعشاب...حتى السمك المجفف...للمخبز ونغلفها باكياس المخبز ...فتظهر وكانها من المصنع مش شغل بيت...فيخلونا نمر بسرعة

حمودي حلو
الله يجزاك خير لاني محتاجه للموضوع لاني انا بسافر بعدالى تكساس (( سان انتونيو
وبجلس سنه مبدئيأ.. وهذي اول سفره لي بالطائره <<<< ادري بتضحكون علي بس اخاف منها وكم مره ابي
اجربها واتردد كل سفراتي داخل المملكه ودول الخليج طبعا بسياره من الخوف ومدري وش اخذ معي كنت افكر باللي ذكرتوه واحب اخذ اعشاب بس اخاف من التفتيش ؟؟؟
يعني موضوعك جاء بوقته ياحلوه ياليت البنات يساعدونا ........
وتوصلين بالسلامه حبيبتي ...........