ساعدوني نبض الجنين

هلا اختي بما انو معك نزيف يعني الجنين في خطر- بس اذا انتي قد سمعتي قبل كذا نبضات الجنين والحين وقفت معناه توفى- واذا لسا ماقد سمعتي النبضات فالدكتور راح يستنى عليك كم يوم اوحتى اسبوع لين مايجيه النبض يعني راح يعطيه فرصه يعيش- انا صار معي كذا نزل معي دم بسيط وفاتح ورحت سويت اشعه عند دكتوره غير اللي اراجع عندها وقالت استني شوي لا تسوي تنظيف يمكن الجنين يجيه نبض قلتلها انا قد سويت اشعه اخر مره عند دكتورتي وكان فيه نبض قالت متاكده قلتلها اييييه قالت خلاص الجنين توفى- وبعدين رحت لدكتورتي وهي في مستشفى دله الله لايبارك فيهم رحت لهم طوارئ وفهمتهم حالتي وشافو ملفي وتخيلي الدكتوره ماكتبت في الملف انها في اخر مراجعه لي سمعت نبض- ورفضو يسوون لي تنظيف يقولون الدكتوره مو كاتبه شي في ملفك و حرام عليك بما انك ماعندك نزيف استني انشالله عشر ايام يمكن لسا ماقد جاه نبض ويمكن يجيه ويعيش-والله بهذلوني وطلعت من عندهم ----معليش طولت بالكلام
بسألك سؤااااااااال !!!!!!
ليش ساكته على نفسك اربع ايام !!!!!!!!!!!
بعدين انتي معك نزيف لازم تنويم يمكن يطيح الجنين !!!!!!!!!!!!!!! وش قالك الدكتور بالضبط !!

هلا اختي اولا مشكووره على ردك وامانتك بالرد ثانيا انتي وسعتي صدري انا فعلا من يوم حملت فيه يقولون مانسمع له نبض وبالنسبه للنزيف انا ماسكت بس والله احترت دكتوره تقول تعطيني ابر تسقط الكيس لانها ماشافت جنين ان الجنين نازل ودكتوره تقول الكيس نازل بينزل هو من نفسه واليوم الدكتور يقول الجنين موجود لكن ماله نبض يعني متوفي حيروني ولاكتب لي تنويم ولاشي وانا قلت له اني تعبانه وعندي صداع ودوخه وماقال شي يقول استني اسبوع لو ماطاح تعالي والزمي الراحه طولت عليك بس من القلق اللي فيني الله يفرج لي والمسلمين اجمعين...

الله يوسع صدرك بالعافيه ويطمنك حبيبتي --
ترا انا كان معي نزيف بس بسيط وكانو كلهم يقولون اذا زاد عليك وصار ينزل منك قطع تعالي طوارئ على طووووول -
واخر واحد رحت له المستشفى العسكري وكان الدم معي بسيط وقالت الدكتوره الرحم عندك مسكر اذا بغيتي اعطيك حبوب طلق وبعدها ينفتح الرحم ونسوي لك تنظيف او روحي البيت واستني لييييين ما يجيك نزيف مرره وزي القطع تنزل معك وتعالي على طووول طوارئ-عاد انا اخترت اني اتنوم واخذ حبوب الطلق والحمدالله نزل الجنين كلله بدون تنظيف الرحم---
وبعدين اختي اغلب البنات الي فيهم كيس بدون جنين مايسوون تنظيف يقولون الكيس من كيفه بينزل والله اعلم !!!!!
والله يعوضك انشالله ولا تسكتين على نفسك اذا زاد النزيف معك

يابعدي انتي جزاك الله خير على اهتمامك انا الحين ابشرك اليوم خف على النزيف مره مادري افرح والا اخاف قسم بالله اني قلقانه خصوصا اني قريت انه اللي تترك نفسها يعفن الجنين برحمها وانا والله تعبت من الاشعات وماعطوني جواب شافي كلن له صوت وانا مالي غير ىالتجئ لرب العباد الذي لاينام هو العالم مافي الارحام اطلبه ان يحفظني من كل شر وان يحفظ جنيني ان كان عايش من كل سوء ويتمم علي وان كان ميت ان الله يكفيني شره وينزله من غير عمليات ويهون علي امين يارب..

انا ماسمعت نبض الجنين الا بالاسبوع الثامن

الله يرزقك اللي فيه الخير ان شالله