ساعدوني نبض في رحمي رغم فشل الأجنة المجمدة

احتمال هالشعور بسبب اثار العملية الله يعوضج

ما ادري للاسف لكن من عانت مثلي تعطيني من خبرتها

النبض اللي مثل الرفرفة(بدون الحمل أو بالأشهر الاولى من الحمل) يسمونه القرينة ، معروفة بالطب البديل ، وماراح يجلس لك حمل غير يوم تعالجينها ، يكون تحسين بنبض وحركة مثل الرفرفة برحمك كنه فيه جنين سبحان الله ،، لاتخافين البعض يتخيل انه يعني جني أو شي لا ..
هو بس كانوا يسمونها كذا على علمهم لكن بالواقع ياخيتي انه الانسان ايام يصيبه حسد ويضر مكان بجسمه مثلا وحدة يحسدونه على جمالها فتلاقين يطيح شعرها او تخرب بشرتها ومثلا وحدة يحسدونها على انها طيبة ودايم تضحك فتلاقين يجيها ضيقة صدر ،، وكذلك ببعض الحالات وحدة يحسدونها على شي الله وهبها اياه فيستقر الحسد بالأرحام ويكون رحمك مايشيل جنين الا يموت ، يعرفون القرينة من عدة أمور (النبض بالرحم والرفرفة بدون حمل ويزيد لو حصل حمل بالاشهر الاولى مرة الى مايموت الجنين ) أو يعرفون للقرينة من الأحلام والرؤى ، وعلاجك بالقران والحجامة غالبا ، لاتحملين غير ان عالجتي هالنبض وراح

انا أحكي لك عن تجربتي مو نقلا عن أحد ، كل ماحملت يموت وهو كبير ، وفعلا كانت النبض يزعجني (نبض مثل حركة الجنين الرفرفة) وسبحان الله يوم يشد النبض بقوة بيومها اختنق واروح للمستشفى يقولون مات الجنين ، المستشفيات كلهم ماعرفوا السبب وقالوا يمكن ويمكن ويمكن بس ماعرفوا حرفيا وش السبب ،، كنت بوقت الحمل احبم احلام غريبة سبحان الله اشوف حرمة تجي تاذيني وتاخذ الجنين بالقوة مني ،،، صرت اقرا ورحت للطب البديل وقالوا لازم حجامة اشهر متتالية ورا بعض ، حجمت اربع شهور متتاليه بنفس التاريخ وكنت اخذ عسل واقرا البقرة وادهن زيت مقري ، ومن خلصت كورس العلاج راح كل النبض وقالوا لي راحت القرينة (الحسد) الحمد لله..
العلاج موب خربطة فالعلاج عبارة عن عسل وقران وزيت زيتون وحجامة .. … صديقتي مات لها ١٢ جنين وتراجع بمدينة فهد وبالحبيب ، اخر شي تركتهم من كثر ماتعبت وراحت لعلاج القرينة بالطب البديل وحملت وسكتت وماقالت لاحد والحين عندها بنت وولد الله يصلحهم ويحفظهم ،، فاعملي بالأسباب ياخيتي والله يرزقني ويرزقك ، انا حاليا موقفة مشروع الحمل ابي ارتاح ثم بادن الله افكر على عقب كم شهر