um turki6 @um_turki6

عضوة نشيطة

ساعدوني نفسيتي تعبانه حييل

انا حامل اربع شهور وعندي عيال اربعه تاعبين قلبي اختبارات وشقاوه ومشاكل في المدرسه وسهر ف اليل مايخلوني انام حتى لو اجلسهم من الصبح يسهرون وكل مخلين البيت وصخ اعلمهم بس مايتعلمون لازم امشي واشيل وراهم غسيل ملابس وصحون وطبخ وبيتي كنه قبر غرفتين وصاله وعايشه في غربه لااهل ولاشي غير المشاكل مع زوجي كل يوم على اتفه الاسباب كل يوم اصارخ واصيح ونفسيتي تعبانه وخايفه هالشي يأثر على الجنين لاسمح الله شسوي قولولي كل افكر انتحر واستغفر الله واتوب اليه كل يوم اصارخ واصيح مع اني اقرى قران واصلي بس احس اني مضغوطه حيل حمل وزوج متعب وعيال متعبين وغربه وهدت حيل كل شي يجيب الهم

يلزم عليك تسجيل الدخول أولًا لكتابة تعليق.

تسجيل دخول

ارجوان الحياه • 8 سنوات

الله يفرج همك ياااارب

ام تالين المطيري • 8 سنوات

الله يقومك بالسلامه .حاولي وانتي تشتغلي تشغلي قران بالبيت وارفعي الصوت تحسي براحه ويهدون عيالك وزوجك مع الوقت .ودربي عيالك عالتنظيف او حطي سله بالغرفه الي تجلسون فيها واي شي يرمونه بها .فيه دعاء الالفه ابحثي عنه وخليه من ضمن دعواتك بالسجوود .والله يصلح حالكم.ويجعلك قره عين زوجك وعيالك

[ .. غـنـج .. ] • 8 سنوات

لا تنتحرين ولا شي
روحي لقرب تموينات واشري خيزران ( عصى)
واذا قلتي الكلمه مره متنفذه اضربيهم
عاد جايه ايجازه 4 شهور قدام بتجلسين تصيحين كل يوم
ماهو حل

لحن خفوووووووقي • 8 سنوات

اسأل الله ان ييسر امورك ويصلح لك ابناءك ويسخر لك زوجك
حاولي تنظرين لحالك بنظره ايجابيه غيرك تتمنى الزوج وتتمنى الاطفال والحمل ودائما ادعي الله ان يعينك على تحمل متاعب الحياه واكثررري من الاستغفار لان الاستغفار فيه راااحه نفسيه .

شيفون و ساتان • 8 سنوات

انتي من اشباهي الاربعين 😅
نفس حالتي ودي اغير من بيتي طفشت لكن الجمد لله على ما يقتنع زوجي يكون ولدت وخلصت
وعندي 3عيال ربي يحفظهم موريني التعب صح
وانا عكسك عند اهلي لكن ما احد شايلهم غيري 😙
كلنا نمر في اللي مريتي فيه والحمد لله على كل حال
ما احد راح يموت من تعبه .. مقارنه بغيرنا يا كثر النعم ..
وعيالنا مدلعين الام ما يسمعون لها كلمة ،
لكن الاب لو صرخ بس صرخه هجدوا
شيلي كل شي تقدرين عليه بعيد عنهم
واللي ما تقدرين .. اي شي يخرب يصلحونه
اتعبيهم قبل لا يتعبونك ..