السلام عليكم ورحمه الله وبركاته
انا مطلقه وقصتي على هذا الرابط http://forum.hawaaworld.com/showthread.php?t=2384839
الله يجزاكم خير انا من تطلقت وانا اعاني من مشكله مشكله خالاتي وبناتهم وعماتي وبنات عمي اذا جاوووا يزورون بيتنا يفتحون لي سالفه الطلاق ويجلسون يتحدثون عن طليقتي ويجلسون يلوموني ليه تزوجتيه وليه جبتي من ولد والله تعبت نفسيتي منهم طيب في كثير يتطلقون وعندهم عيال كثيره فرقت معي
لا وبعد يتكلمون ليه يضربك وليه علامات الضرب هذي في جسمك لان من كثر ضربه لي في ايديني ومناطق من جسمي فيها اثار الضرب ويقولون لي انتي مستحيل احد يتزوجك وانتي مطلقه وعندك ولد انا مايهمني اتزوج ابي اعيش حياتي مرتاحه وبعضهم يجي ويقول لي مافكرتي ترجعين له انا لو ابغي ارجع له كان رجعت له بس مستحيل اختار الموت على اني ارجع له وتاخذهم السوالف شوي ويرجعون لسالفه جوالي ويقولون لي اهو مايتصل عليك الحين طيب وايش ابي فيه قلت لهم انا غيرت اصلا رقم شريحتي عنه وواحيان يقولون لي انتي ماتحنين له وتشتاقين هذا ابو ولدك اكيد تشتاقين استغفر الله العظيم من كلامهم لو بناتهم مافكروا يتعبون نفسيتهم بهذا الشكل ولارضوا لهم اصلا انهم يتعذبون والله اني صرت استحي اجلس بجنبهم حتى صديقاتي يقولون لي ليه تطلقين وهذي ثاني مره لك تطلقين البنت مو كل مره لها زوج طيب طيب انتم ماتدرون عن حالتي
صرت مااطلع ولاازور احد كله حابسه نفسي بالبيت
احس اني طفشت من كلامهم لا وبنات عمي احسهم يتريقون علي ويقولون لي احنا ازواجنا يسون لنا كيذا وقدرونا عكس طليقك اللي ماسوى لك شي غير المشاكل والضرب والسب قدام الله وخلقه انا اصلا ماقلت لهم عن سوء اخلاق طليقي بس لانه اول يوم كنت على ذمته بالاول قام يتكلم علينا بالشارع بكلام بذي وسب لامي وابوي والجيران راحو ونقلوا الخير لبيت عمي لان بيت عمي قريب بيتنا لا وعلى كيذايقولون لي شوفي لك بعدين اي احد يرضى يتزوجك طيب ليه يقولون لي كيذا وانا الحمد لله جامعيه والكل يشوفني يقول اني مزيونه واخلاقي حمد لله الكل يشكر عليها مو معناته خلاص تطلقت اني ابي اتزوج والله صارت نفسيتي تعبانه بالحيل وصرت دايم اذا جاوا اقاربي مااجلس جنبهم لانه من كلامهم اجلس ايام تعبانه ودايم ابكي على حظي :44:
الله يجزاكم كل خيرا ياليت يااخواتي تساعدوني كيف احل مشكلتي معهم والله اني اكتب ودموعي تسبقني من القهر ...................................
يلزم عليك تسجيل الدخول أولًا لكتابة تعليق.
طنشيهم في ناس قليلة فهم ما بتعرف تحكي لان هالمواضيع بايد رب العالمين وقدرته لهيك سلمي امورك لرب العالمين هو بيعوضك باحسن منهم
ولما يقلولك رجالنا احسن قليلهم كل شي من بر العالمين لو كان النصيب بايدكم كنتوا ورجونا شطارتكم من زمان
ولما يقلولك رجالنا احسن قليلهم كل شي من بر العالمين لو كان النصيب بايدكم كنتوا ورجونا شطارتكم من زمان
ياأختي والله مو عارفة ايش أقولك لكن الناس تتكلم في كل الأحوال حاولي ماتعطيهم شي من اهتمامك انشغلي بنفسك اكثر خذي دورات في أي مجال ...اذا قالوا لك كيف تتزوجي ردي عليهم اللي خايفة علي تزوجني زوجها....
وربي يعوضك خير ويسعد قلبك...لا تنسي الدعاء وقيام الليل ..
وربي يعوضك خير ويسعد قلبك...لا تنسي الدعاء وقيام الليل ..
الصفحة الأخيرة
حبيبتي طنشي وعيشي حياتك واذا اسالك احد عن طليقك جاوبي اجابات سطحيه ايه لا وبس اهتمي بتربيه ابنك وطنشي هالعالم التعبانه