ساعدوني هل اعاني من مرض نفسي...!!!!!!

صباح الخير ...اخواتي ترددت كثيراً في أن اطرح مشكلتي هنا برغم انها هي سبب تسجيلي في هذا المنتدى لكن

دائماً اتردد ولا اعلم لما!!

اتمنى ان تفيدوني فيما اشعر هل هوشئ حقيقي اما انا اتوهم ..ام انه شئ نفسي..فأنا اصبحت في حيره من نفسي

بعد فتره من زواجي وحملي اصابتني حاله من الاكتئاب والنفور من زوجي رغماً عني يعني لما اشوفه ما احب
اشوفه رايق ومبسوط لازم انكد عليه واعصب واخر شئ ابكي وهو يخرج من البيت ومره كبر الموضوع
وجاني بكاء هستيري بشكل فضيع حسيت روحي بتطلع زوجي يحاول يهديني وانا ادفه وابكي ويادوب اخذ النفس ..زوجي جلس يبكي عندي واتصل على اخوي وجا هو واختي وشالوني المستشفى وانا ابكي وارجف

واختي تقرا عليه وتبغى تشربني مويه ماني قادره احس مكتومه والله المويه توقف بنص حلقي يادوب ابلعها

ورجولي ويديني باااااااااارده ثلج ..الدكتور عطاني مهدئات وقالو مافيني شئ...ورجعت البيت بعد ماهديت..

زوجي حكى لصاحبه اللي حصل وصاحبه هذا اخوه مطوع قاله عين وعطاه مويه مقري فيها ..انا قلت ما

صدقت انها عين قلت مو معقولها كل شئ عين ...وبعض اللي حولي قالو هذا تأثير الحمل ..ومرت تقريباً
3سنوات وعمرها ما رجعت لي حالت البكاء الهستيري ..وفي يوم رجعت احس بضيقه ومكتومه وماني طايقه احد واعصب على طول اجلس تقريباً يومين ثلاثه بعدين انفجرت جلست ابكي وبصوت عالي واصرخ

واحس انه شوي ويغمى عليه وزوجي يقرا عليه ويرش عليه مويه كل ماحس اني راح افقد الوعي..

وكانت المره هادي اخف من الاولى ...وقدر زوجي يهديني من غير مستشفى..طبعاً ماكنت حامل هذي المره..

نقلت من بيتي اللي انا فيه ورحت بيت ثاني بعد سنتين تقريباً من سكنته كان يترددعليه حلم دائماً احلم اني اقراء المعوذات واية الكرسي واصح من النوم وانا احرك شفايفي واقرئها تقريباً 3 مرات
ومره سورة الكافرون ..انا بطبعي ما اهتم ب الاحلام لكن تكرارها خلا عندي فضول اعرف تفسيره


قلت لزوجي على الحلم قال فيه واحد يفهم بتفسير وقاله قال له الرجل اللي يفسر كل ذو نعمه محسود وانتم ان

شاء الله الله بيوفقكم وبيرزقكم بس لا تنسو التحصين ...انا ما اقنعني كلامه ونسيت الموضوع ..بعد فتره

جات وظيفه لزوجي مره حلوه وتوسع رزقنا والحمد لله ورحت في منطقه ثانيه عن اهلي واهل زوجي ومن

هنا رجعت ليه حالة البكا لما اكون بعيده عن الناس في منطقة عمل زوجي راحه نفسيه وسعاده ومافيه مشاكل ابداً واول ما اروح زياره واجلس في بيتي القديم عند اهل زوجي تبدا المشاكل والكره والله يابنات

كانت ليلة عيد الفطر اقسم مادري ايش اللي صار ليه هي قبلها بيومين وانا بس اتجادل مع زوجي على اشياء تافهه بس ابغى اقهره ولما يخرج احس بسعاده وكذا مره كنت ابغى اطلق بس المشكله زوجي ولله الحمد مافيه

عيب ويحبني موت بس انا ساعات اكرهه مادري ليش لدرجة مره من المرات فكرت ب الانتحار وحاولت
بس ماقدرت كل ما اتذكر اولادي احن كنت احس اني اكرهه نفسي لاني طفشت زوجي وفي نفس الوقت احس اني اكرهه ومادري كيف يابنات اسبه واجرحه وابكي واانام في غرفة لوحدي بعدين حسيت اني مكتومه خلاص ابغى انفجر مادري كيف وصلت عنده وانا اقوله سامحني والله غصب عني والله احس اني
ماني قادره اتحملك ما ابغاك وجلست ابكي بشكل هستيري ولا ني طايقه اشوفه ولا حتى بنتي احس اني
ما ابغى اشوفها ولاابغها تلمسني ..بكيت لدرجة الاغماء والله اسمع صوته وهو يقرا عليه ويضرب يبغاني
اصحى يادوب احرك راسي بس ما اقدر اتكلم احس لساني ثقيل واحس بخوف شديد ورجفه بعد مااوقف البكا
تجيني زي التناحه كذا اصف واطالع في جهه وحده وكنت اغطي جسمي وما ابغى زوجي يمسكني ولايحظني وكل مايحظني انا ابعد يقولي خايفه مني اقوله لا بس ما ابغاه يقرب مني واجلس على ها الحال لين
يغلبني النوم ,,,

اخوي قال خلاص اتركو البيت ف سلمنا البيت وسافرنا بس سرت كل ما اجي من السفر عند اهلي واهل زوجي اجي مكتئبه والنفسيه زفت ومشاكل ومره جيت وقلت خلاص ماني راجعه معاه لدرجة زوجي يقول
كرهت اروح لي اهلي بسب ها الحاله والمشاكل ...

مره كنت اصلي المغرب وزوجي عندي في الغرفه وكنت خلاص في اخر ركعه وانا اللي ما اعرف اش صار حسيت ب حراره في اخرالظهر وشي زي الكهرب او القشعريره تمشي في جسمي من راسي للرجولي

واحس زي الزغلله وكانت بنتي طالعه على الدرج وتناديني وانا يابنات مادري كيف خلصت التحيات الا وانا

عيوني ثابته في الجدار اللي قدامي وابكي واقول اعوذ بكلمات الله التامات من شر ماخلق وارددها وابكي وارجف واردد المعوذات واية الكرسي وابكي زوجي قام على صوتي وبنتي ياحياتي مره انفجعت تفكرني شفت جني وانا مدري ايش اللي صابني وزوجي جلس يقرى عليه زي كل مره لين ماهديت...

تطور الوضع سرت احس كنه في احد في البيت وكأنه فيه احد يمشي وري واحس بقشعريره في راسي وكأنه فيه شئ يتحرك دائماً احس ب الخوف والله

احياناً وانا نايمه احس كأنه فيه احد في غرفة النوم وارفع الغطى وطالع في الغرفه وارجع اقول الاذكار وانام

مع الخوف واحياناً يوصل الخوف معي اني حتى الحمام اخاف اروح وحدي واخاف اتحمم وحدي الالما يكون

زوجي ب الغرفه ..حتى الصلاه اخاف اصلي وحدي اصلي عند اولادي حتى لو كانو الغرفه اللي جنبي اهم شئ احس فيه احد حولي..والصلاه احسها ثقيله مره والخبط فيها سرت اقرئ سور صغيره وبرضه الخبط فيها وانسى ..الحين صار عندي نسيان بشكل فضيع احس اني زي الهبلا ما افهم شئ وعلطول انسى واحياناً
لما افتح غرفة اوشئ يتهئ ليه انه فية حرمه لبسه عبايه جالسة في الغرفه وانا اعرفه هذي الحرمه واتعوذ من ابليس واقول مافيه شئ ...انا متأكده اني ماني شايفه شئ بس ليش يجيني هذا الاحساس!!

بعدين سرت ارقي نفسي اللي حسيته في الرقيا..
تنميل.. حراره بين الكتفين واحياناً ثقل في الرقبه
عيني اليسار تنقز كل شوي
..دموع بسيطة عند سماعي لسورة البقره

اكثر شئ لما اقرئ البقره او اسمع الرقي هي اني احس حلقي ولساني تنميل واحس اني ابغى ارجع فعلاً

ارجع بس يطلع سائل شفاف ..واحس بطني كنها تنتفخ او فيها كركبه مادري كيف او حراره شعور ما اعرف كيف اوصفه..

قلت خليني اجرب رقية السحر رغم اني متأكده اني ما فيني سحر..

وسمعتها حسيت روحي بتطلع شعور الترجيع زاد اكثر من اول وأقوى وسرت أبكي وأشهق وبصوت عالي

وارجف وخوف وعيوني بسم الله الرحمن الرحيم ثابته على الجهه اليسار بس اطالع هناك زوجي يقولي اشفيه طالعي فيه اطالع فيه وارجع اطالع على اليسار ...مره خففت كثير...وسرت اخاف اقراء الرقي لوحدي

بعدين اخوي جاب ليه زيت زيتون وماء وسدر مقري فيهم رغم الخوف من استخدام السدر والمويه الا اني

بعد استخدامهم حسيت براحه وهدوء واطمئاناً وفي نفس الوقت حصلت لي مشكله كبيره مع اخت زوجي
بس عمري ماشعرت براحه وهدؤء نفسي زي كذا .. واخذت فتره هاديه والحين احس رجعت ليه نفس الاعراض....
طولت عليكم بس انا شرحت لكم معانة سنوات انا اكذب نفسي انه عندي عين ومستحيل انه سحر لا ن السحر

الله يكفينا الشر اشد اتوقع من كذا غير كذا انا عمري ما أذيت احد..

تصدقون حتى وانا اكتب لكم خايفه ...الله يفرج همي وهمكم ويبعد عنا شياطين الانس والجن
ربي عليك توكلت ولاحول ولاقوة الابا الله...