ساعدوني هل زوجي سكران ولا لا!!!!

السلام
معليش السالفه طوويله بس اتمنى تساعدوني اول شي حابه اقوله انا حامل بالشهر التاسع اول بيبي لنا متزوجه لي سنتين ونص وقبلها ملكه سنتين
زوجي حنون وطيب ونظامي مره ومرتب ولا عمري شفت عليه اي شي ابددد محترم وولد ناس ويهتم لمظهره قدام الناس وثقل ورزه بس الي اعرفه عنه يوم سافرنا برا قال انه يشرب بيره وصدق يشرب معي بيره بس ولا عمري شفت له التصرفات الي زي اليوم
المهم اني الخميس عند اهلي وعلى اساس ارجع البيت السبت
بس جاني مغص ببطني وحسبت اني بولد واتصل على زوجي على الساعه ١ ونص بالليل قال خلاص انا جااي وجاني بس من ركبت معه وهو معه حزوقه ومايتكلم استغربت ومشيت الموضوع وحاط اغنيه ويكررها كل شوي على غير عادته وسالته سؤال ومط الاجابه مط عرفتو الي لسانه ثقيييل!! استغربت منه قال حطيت خويي باقرب مكان نزلته وجيتك قلت تمام
خليته ينزلني بالممشى امشي وهو بالسياره يمشي جمبي تصرفانه غريبه يطالعني وياشر يعني مو على بعضه هو ثقيل صح مزوحي بس اغلبه ثقيل ورزه وخصوصا اذا كنا برا البيت ف استغربت منه
ركبت معه وحنا حول الحاره فجاءه اسرع قلت له شفييك اسرعت قال انتــي شفيـك فاضي عادي ويمط كلااامه مط كان لسانه ثقيل!!! قلت شفيك ماتتكلم زين قام هو قال معي حزوقه وسكت ومشيتها
نزلت من السياره وانتظره يمشي قدامي بس يمشيني يبيني امشي بالسيب قبله قلت امش قبلي افتح الباب يوم مشى يترنح شوي بمشيه مو متماسك مره استغربت مننننه مرره وخفت وقع بقلبي انه فيه شي شارب شي اكيد!! مو هو ابد
دخل البيت ودايركت راح للغرفه ينسدح قلت شفيك ويطنشني قال راسي مصدع ودااايخ واكلمه اساله وين كنت وش كنت تسوي مايرد قلت له خلاص قم انا تعبانه بروح المستشفى ويصرفني يقول امشي قدامي يلا البسي قبلي مايبيني اشوفه يمشي
يوم مشى وراح للمطبخ ياخذ لبن طاح منه اللبن والكاس طاح والغطا وهو ابد مو كذا هو هادي ومنظم حتى اذا جاء ياخذ شي رااكد ونظبف استغربت منننننه مره وخفت وانا واقفه عند الباب اراقبه وهو توتر مني قلت شفيك انت فيك شي قال لا مافيني شي ببرود وعطاني الكاس وشربته
راح انسدح ورحت انسدح جمبه احقق معه والغريب انه يرد علي باجوبه غريبه يتطنز علي او يستهبل بس بجديه ومو بجديه يعني يصرف مافهمته اقوله وش كنت تسوي مع خويك يقول نلعب شطرنج قلت وين قال بالشارع!!! قلت تستهبل!! قال شفيك مدري عنك قلت وين قال بالشارع ويقولها ببرود قلت انت بعقلك ولا ايش عطاني نظره وانا اخززه يقوه وهو يخز ولف وسفهني قلت قم بروح المستشفى خلاص تعبانه قال ملزمه انا دايخ قلت اي ملزمه ويطلع ونطلع نروح المستشفى
فجاءه يوم قربنا عند لفة المستشفى لف قبلها بالحاره ووقف قلت شفيك وقفت !! قال انزلي المستشفى قلت تستهبل المستشفى هناك! قام هو كان بينزل وفجاءه هون ومشى بالسياره بسرعه قلت شفيك بشويش ليش وقفت هنا قال بطير الشراب قلت كيف تستهبل المستشفى باللفه ماغندهم حمامات هم!!! توقف بحاره قام هو قال خلاص انا اسف وهو مطنقر خلاص انا حمار بس سكري السالفه وسكت
زوجي مو كذا ابددا ابدا ولا عمره سوا هالحركات
المهم انه وقفني عند الطوارىء وقال انزلي بلبق قلت عطني فلوس مامعي قال طيب انزلي قلت حول وانزل قام هو وقف السياره عند باب الطوارىء كذا مالبق ولا شي قال الحين بحولك انزلي قلت خلاص بنتظر معك لما تحول عشان احاسب قام هو نزل وقال خلاص انا بحاسب اخلصي قلت السياره لبق تستهبل الامن بيهاوش وينطنشني وندخل ويحاسب وبعدها ودتني الممرضه للغرفه ولا ادري عنه مشى ولا ايش
فجاءه يتصل علي وينك قلت بالغرفه تفحصني الدكتوره قال اي غرفه انا جايك واسمع الامن يكلمه يقول يا اخوي ليش تلبق سيارتك عند الباب!! قال دقيقتين وطنشه قال وينك انا حاي قلت تستهبل انت لبق وبعدين تعال لي انا تفحصني الدكتوره قاال انا حاي وينك والامن يهاوش يلحقه وانا اسمع قلت بس بيتهاوشون ويفضحني شوي طق الباب ودخل قلت شفيك تفحصني لبق وتعال قام هو طلغ ولا عاد سمعت له حس
دقيت بعد كم دقيقه خفت مسكه الامن ولا شي شكله ما كانه بعقله مدري مدري تصرفاته غريييبه مره يوم دقيت قلت شصار عليك قال انا البق اجيك اترك السياره يعني!! قلت لا خلاص خلاص اجلس بالسياره
خلصت فحص وماطلع معي طلق وانا شبه عارفه ان مامعي بس كنت ابي اختبر زوجي ما ابي ينام بشوف هل هو صدق بعقله او فيه شي !! ركبت معه بعد نص ساعه لقيته نايم بالسياره وقومته نمشي وطلع وحنا بالسياره يدوخ عيونه تقفل خفت نصدم مليون مره
الغريب انه سواقته عاديه نفسها وانه يلبق تلبيقه مزبوطه وتكنيك نفس عادته
وبس دخلنا البيت غير ملابسه ونام على طول
مدري انا وقع بقلبي انه فيه شي مو هذا زوجي مدري شفييه غريب علي هل تهقون هو سكران او لا؟؟؟
وهل اذا قمت افاتحه بالموضوع ولا ايش؟
محتاره مره وجاني هبوط من التفكير