ساعدوني هل طفلي توحدي او لا

أخواتي بالله عليكم اللي عندها تعرف شخصيا طفل عنده توحد تقارن بينه وبين ولدي ساعدوني تكفون زوجي ماهو متعاون واذا فتحت معاه الموضوع قلبه هواش مايبغى يقتنع ان الطفل لاسمح الله فيه شي ودايم يقول انتي موسوسه
‏عمره سنتين وثلاث شهور مايتكلم كلمات مفهومه توه بدا يعد الارقام بالانجليزي اذا قلت له اي بي سي دي يكمل اي اف جي بس نطق خربوطي يعتمد عاللحن اكثر اذا جيت ااشر له على شي ماينتبه ولايعرف يطلب مويه ولااكل يفهم اذا قلت يالله الحمام يعرف يقول حما يقصد حمام الله يكرمك عادي يتواصل بصريا معي اذا صحي من النوم وشافني يبتسم ويوقف علشان احمله اجتماعي مره اذا شاف اطفال يلعبون يجري معاهم ويضحك مايخاف من احد اذا احد شاله على طول يلعب معاه اذا شاف بسايس يقول مياو ويلاحقها ويحملها يتحرك كثير بس مايخرب اذا سوا غلط
‏وقلت لا على طول يوقف اذا طلبته يبوسني يجي يبوسني على طول
‏يردد احيان مع الاناشيد اللي يحبها بس مو مفهوم الكلام بس يلحن ماعرف يختي هو طبيعي اولا
‏اذا شاف بسه يمشي وراها ويقول مياو ويحب يشيلها
‏بس عنده حركات نمطيه احس الفتره هاذي خفف منها كثير كان يحب يدور حول نفسه بس اقوله وقف يوقف على طول يدور عجلات السياره احيان بس مايطول ويعرف يركب عليها ويلعب يسوي المنديل مروحه ويهف فيه وجهه اذا شافني ابكي يجي يبكي ويحزن
‏
‏اوقات يكون طفشان يجي يغطي عيونه يبي العب معاه واقوله دي
‏بس مشكلته الكلام والاشاره
‏حتى اذا يبي مويه مايعرف يطلب يبكي ويكح وانا افهم عليه
‏اذا اشرت له على شي اقوله شوف مايلتفت عالشي يقعد يناظر باصبعي
‏بس من امس اشرت له على حاجه قريبه وراح اخذها حسيت لاول مره يشوف اشارتي
‏بس يعرف اذا رحت الغرفه انام حتى لو احاول اتسحب مايشوفني في دقيقه يفقدني ويجي يركض يبكي ويدق الباب يقعد يبكي او يفتح الباب ويدخل
‏يتقبل كل انواع الاكل ماشاءالله عليه
‏الله يسعدك طمنيني عليه انا من فتره طويله قطعت عنه طيور الجنه والتي في كله
‏بس كمان احب اضيف هو تأخر في التسنين لعمر ممكن سنه وكم شهر والحين عمره سنتين وثلاث شهور لسى مااكتملت اسنانه وضروسه بس طلعت شوي ماطلعت كامله والانياب ماظهرت ابدا
‏الله يوفقكم ساعدوني انا بحيره وهم مايعلمه الا الله
‏ساعدنوني الله يفرجها على قلوبكم يآكل شيبس بس مو دايم تقريبا ثلاث مرات في الاسبوع ومايطلبه مايعرف يطلب انا اذا شفته زعل وبكى اراضيه فيه يشرب حليب فراوله او موز ندى ممكن مره باليوم العلبه الصغيره يشرب كمان حليب عادي من مرتين لثلاث في اليوم اعطيه حاليا فيتامين دال واوميغا3
‏يآكل رز دجاج ملوخيه صالونة بطاطس مكرونه زبادي رز ابيض بريد مع جبن او لبنه موز كيوي بطيخ اوقات اذا صرت اكل كوكيز وقرب مني اعطيه مو دايم
‏الجوال والايباد مايهتم فيها ولايعرف يستخدمها ماعلمته عليها اذا فتحت له الايباد يلعب شوي يتركه ويمل والتي في بعد يناظر شوي ويتركه ويروح يفتح الابواب يحب يخرب ويفتح الادراج زي كذا ماله لعبه معينه
‏كان عنده حساسيه وهو طفل وقالوا اكزيميا استخدمت لها علاج فتره وبس خفت خلاص ماعاد رجعت ولاعاد استمريت على علاج طلعت له حساسيه يمكن قبل ست او سبع شهور وعالجتها وراحت كان عنده حساسيه بالصدر وهو صغير واستخدم بخاخات بس لما كبر خلاص قطعها الدكتور من سنه ممكن وماعنده شي مستمر الا اذا جاته زكمه تجيه الكحه والبلغم واعالجه وتروح ماعنده لااسهال ولاامساك الحمدلله الفتره هاذي احاول اجلس معاه ونتكلم احطه بحضني يناظر بعيوني ويقلدني اذا نفخت شفايفي اذا عديت ون تو يكمل العد الى تن واذا غنيت له اغنيه يحبها يقوم يقلد نفس حركاتهم اللي بالفيديو بس لما اقوله كلمه مايردد ورايه واذا اصريت عليه يطفش ويزعل ويقاوم لين يروح بس كذا مره ردد ورايه لما اقوله اختي يقول اخقي بس على مزاجه مرات مايقول لما انادي ساره يقول ساله ولما اقول سياره يقول يييالع بس على حسب مزاجه مرات كثير مايقول
‏احاول اعلمه بس مايبغى لاحظت لسانه فيه خيط بس هو يقدر يطلع لسانه بس لما يطلعها كلها تصير من الطرف زي القلب كان شي شادها من النص وشكيت ان تأخير الكلام منها بس اللي كمان ماريحني انه مايفهم لما اقوله سكر الباب جيب الريموت اذا قلت له يجيب حاجه بيده مايجيبها واذا عصبت عليها يجيبها مايعطيني في يدي يروح يرميها ويهرب
‏الله يسعدكم طمنوني