semo788sm

semo788sm @semo788sm

عضوة جديدة

ساعدوني وادخلو علموني وش اسوي

الأسرة والمجتمع

بنات انا تزوجت وجاتني ولد وتوفى وفاه بعد معاناه من المرض وبعد ذلك قدر الله وانفصلت والحمدالله على كل حال راضيه باللي ربي كتبه لي

بعد وفاة ابني وانفصالي رجعت لاهلي والحمدالله اهلي كويسين ولكن دخلت حاله من الاكتئاب من كثر الفراغ اللي انا فيه قعدت سنتين اعاني حزن مستمر وتعب وقررت اكمل دراستي والحمدالله وبعدها جلست سنه فاضيه ماعندي شي قتلتني الوحده والطفش

قلت ابحث عن وظيفه لو اغير جو ويصير عندي روتين وانشغل عن الافكار والوحده

والحمدالله لقيت وضيفه بس راتبي قليل جدا يعني ٣٥٠٠ ولكن الحمدالله الدوام مريح وزميلاتي بالدوام مره كويسات وصرنا صديقات مررره وبين فتره وفتره نجتمع ونغير جو في البيت عند اي وحده فينا المهم

انا راتبي قليل ٣٥٠٠ قررت اشتري سياره اقساط واتعلم السواقه وسقت وصار ياخذون مني قسط ٢٠٠٠ يبقى لي ١٥٠٠ اعطي امي وابوي كل واحد ٢٥٠ وصار يبقى لي ١٠٠٠ امشي فيه حالي بنزين ومصاريف يوميه وانا والله حتى السوق مانزله عشان يكفيني ١٠٠٠ لين نهاية الشهر البنزين واحيانا امر اخذلي فطور او قهوه وانا رايحه الدوام المشكله مو هنا

المشكله اللي جيتكم تساعدوني عشانها

( ان ابوي دايم يطلبني وانا والله والله العظيم لو معي ماقصر معه ابدا زي قبل يومين جاني قال معك ٣٠٠ قلت له والله باقي معي اخر ٢٥٠ يادوب تمشيني بنزين ومصاريف يوميه لين ينزل الراتب وباقي عليه ١٠ ايام وقلت له خلاص بحولك١٠٠ ورفض قالي لا خلاص ) ومن يومها وانا شايله همه وابكي من القهر ودي اساعده باللي اقدر عليه ماودي يطلبني وارده طبعا قبل اشتري السياره كان كل مايطلبني اعطيه بس بعد ماشتريت السياره اقساطها تاخذ اغلبيه الراتب انا ماودي يحتاجني ولا اوقف معه 😭😭 المشكله هو عنده دخل بس مايعرف يتصرف فيه يعني وعندي اثنين من اخواني كبار وكلهم مايشتغلون لكاعه كل ماحصل وظيفه تركها وجالسين كذا ابوي يصرف عليهم وحتى لما اعطي امي وابوي يوم الراتب ياخذونها واخواني كل شوي يطلبونهم ويعطونهم انا انقهر اعطيهم لانفسهم وهم يعطون اخواني انا من يوم انفصلت وجيت عندهم والله العظيم ماقد ظلبت ابوي ولا امي فلوس احاول اسد نفسي براتبي انا احترت مرررره لكن انا عندي خيارين يا اني اكمل في وظيفتي واعيش على قد نفسي بسيارتي واللي يبقى من الراتب او اني اقعد في البيت عشان يعرفون اني حرفيا مو معناته توظفت يعني تمطر علي فلوس والله انا زانقه نفسي ولا ادخل مولات ولا كوفيهات ولا شي عشان اوفر قد ماقدر ويالله يكفيني الراتب بس وش اسوي في هذي الحاله ساعدوني ابي كل وحده تحط نفسها مكاني ايش بتسوي تكفون شورو علي 😭😭😭😭
13
1K

يلزم عليك تسجيل الدخول أولًا لكتابة تعليق.

تسجيل دخول

jana_n 1
jana_n 1
في البدايه اسال الله ان يعوضك خيراً على ما حصل لك و على برك بوالديك

الوظيفه لا تستغني عنها ابداً
هي منفس لك و صحبة صالحة تشوفينها وتغيرين جو و قد يحصل لك ترقية فيها و يزيد الراتب
انتي غير مسؤولة عن اخوانك الرباديين و دلع والديك لهم ..
هم دلعوهم يتحملو لا تبكين لان ما وفرتي لهم المطلوب ..
انتبهي الا وظيفتك .. هي عزك و منفسك
semo788sm
semo788sm
في البدايه اسال الله ان يعوضك خيراً على ما حصل لك و على برك بوالديك الوظيفه لا تستغني عنها ابداً هي منفس لك و صحبة صالحة تشوفينها وتغيرين جو و قد يحصل لك ترقية فيها و يزيد الراتب انتي غير مسؤولة عن اخوانك الرباديين و دلع والديك لهم .. هم دلعوهم يتحملو لا تبكين لان ما وفرتي لهم المطلوب .. انتبهي الا وظيفتك .. هي عزك و منفسك
في البدايه اسال الله ان يعوضك خيراً على ما حصل لك و على برك بوالديك الوظيفه لا تستغني عنها...
شكرا لك على الرد🌷
أولادي أغلى ماعندي
تتركي الوظيفة!!
انتي شايفة انه دا حل
طيب وقسط السيارة من وين بتسدديه
ومن وين بتصرفي على حالك
الشي الثاني قسط السيارة كبير جدا على راتبك
كان اخذتي سيارة بقسط اقل
الحل الأفضل ليك انك توصلي مشاوير بعد دوامك
وابوك ان شاءالله انه عاذرك وعارف وضعك
واكيد لو عندك ماكنتي حتقصري معاه
لكن هذا حالك وهذا وضعك وش حتسوي
واخوانك اتكلمي معاهم ولا مع امك وابوك انه يشدو عليهم ولا يعطوهم
خليهم يتلحلحو ويدورو وظايف
عيب عليهم كبار ويمدو يدهم وياخذو مصروفهم من ابوهم
كأنهم عيال بالمتوسط
شاطئ الدرّ
شاطئ الدرّ
الله ييسر أمرك ويعوضك خير ا مما تريدين ❤️
semo788sm
semo788sm
الله ييسر أمرك ويعوضك خير ا مما تريدين ❤️
الله ييسر أمرك ويعوضك خير ا مما تريدين ❤️
امين يارب العالمين