ساعدوني وارشدوني

السلام عليكم ورحمة الله وبركاته
انا متزوجه لي خمس سنوات وتوي داخله السادسه عندي ولدين الله يخليهم لي
انا وزوجي منذ بداية الزواج كل فتره والثانيه يصير بينا خلاف بسيط والحمد لله
نرجع نتصالح وعلى هذا الموال الى تقريبا قبل ستة اشهر بدات خلافاتنا تزيد
وايام الزعل تطول يجلس اسبوع مايكلمني ولا يجلس معي بدأ يهدد بالطلاق
وانه سوف يحرمني من ابنائي وقبل اسبوع تقريبا صارت مشكله والى يومكم هذا
مايكلمني هو كان راح يضربني بس تراجع ودفني واول مره يسويها انا انهرت
من البكاء ومادري وش صار فيني تخيلوا ماعد قدرت احرك رجولي من الخوف ومن
الصدمه لانه وصل لهذا المستوا :icon33:
خلوني اتكلم شوي عن زوجي علشان تفهموني اكثر هو انسان عصبي
جدااا وفيه من الغرور الكثير ويحب تكون الحياه على كيفه ومالي قيمه ابدا عنده
كيف عرفت لانه اذا صارت مشكله يحط كل اللوم علي ويطلع كل العيوب اللي
فيني ومايتذكر اي شي من حسناتي وحاولت اعدل نفسي لاوصل لمستوى تفكيره
لكن ماقدرت الفارق العمري جدا كبير بيني وبينه وماانكر ان فيه ايجابيات هو جدا كريم
ومايقصر علي بشي ومايحرمني من الزيارات واذا اشتقت لاهلي عادي يخليني اجلس
عندهم بالشهور بحكم ان اهلي بمنطقه ثانيه بس موعارف يحبني او يحسسني بالحب
انا الصراحه تعبت انا احبه ومابي افارقه وبعد شخصيتي جداا ضعيفه مااواجهه
الا بالدموع لان مابيدي شي واخاف يحرمني من اولادي وماقدر اقول لاهلي
مابي اشوه سمعته قدامهم :44:
اللي ابيه منكم تساعدوني كيف اتصرف معا هذا الرجال هل اقول لاهلي ولا اسكت
واللي بعد ابي اعرفه اذا طلقني عيالي اقدر اخذهم بالقانون لان هذا اكثر شي مخوفني
مالي بعد الله الا انتم تكفون ساعدوني وانا ماشكيت الا لاني تعبت من التفكير :09:
ارفعوا الموضوع ولو بدعوه علشان استفيد اكثر من نصائح الاخوات تكفون لاتحرموني