ساعدوني واساعدكم؟؟؟؟

لي عوده باذن الله

الله يعينك وتبضين الوجه

ياعمري جيبي ورقه وقلم عشان تكتبين الاشياء اللي تحتاجين وماتنسين شي واهم الاشياء

طاوله عشان البوفيه - صحون بلاستك مستطيله - زبادي بلاستك للسلطات او الشوربه - ملاعق وشوك بلاستك - اكواب ورق للعصيرات - فناجيل البنيه الصغار للقهوه - يبيلك مفرش للطاوله اذا تبين تكشخين يعني - صحون بلاستيك دائريه مقسمه لضيافة القهوه والشاهي ( تحطين فيها نوع تمر ونوعين حلا هذا وقت القهوه ووقت الشاهي حطي معجنات مشكله ومكسرات ) خليك مجهزه هالضيافه بالصحون ومغلفتهم بقصدير ووقتها بس وزعي الصحون بينهم ) - جيبي معك المغارف حقت الاكل اللي بيجيبونه وافضل انه تسالين كل وحده وش بتجيب عشان محد يجيب مثل الثاني وتصيرين انتي عارفه وش المغارف اللي تحتاجينها - سوي ثلاجتين قهوه وثلاجتين شاهي جاهزات من البيت ولازم تجيبين معك اغراض القهوه والشاهي عشان تسوين لو خلصوا - بالنسبه للحلا حق العشا سوي حلا مايكون فيه شي يسيح عليك يعني سوي حلا بس يحتاج ثلاجه عشان ماتبتلشين فيه

ان شاء الله يكون كل شي قلته كامل

up

اولا ياقلبي التجهيزات جدا بتكون بسيطة والاهم ليس بالتكثير الاهم بالي راح ياكلونه

اولا جيبي ورقة وقلم واكتب الاصناف الي بتسوينها وبعدها تتوجهين الى السوبر ماركت

تجيبين الناقص وترتبين عاد الحلى يتجهز قبلها بيوم طبعا وينحط بالثلاجة

وتكونين مجهزة السنبوسه والشغلات الي تبي تنقلي من بلليل او الاحسن سوي مثلي

اشتري المجمدات مثل بطاطس مبهره مثل بطاطس بيتزا هوت+حلقات البصل

+سنبوسه+سبرنق رول+كبب بانواعها هذا ترى يسهل عليج العزيمه

تجين عاد للاساسيات مثل مكرونه بشاميل تكوني مجهزة الحشوة بس

وتحطينها بالثلاجة وثاني يوم تسلقين المعكرونه والبشاميل

ومثلا سوي كبسة احسن يعني شغلها منها وفيها

وبما اننا في الشتى سوي لهم مرقوق وشوربه

ونجي للمقبلات فيه حمص مطحون اخلطي معاه روب

يصير حمص زي المطاعم وتزينيه بحمص حب وزيت زيتون

وسلطة الجزر والبطاطس بالميونيز+سلطة الملفوف

وسلطة الباذنجان الي هي فتة

وطبعا جيبي عصاير الربيع الجيكات الكبيره

وفرغيها بدولكات من عندج وطبعا كل شي سهل

وختميها بشاي فلة(مفرط)

وطبعا تجهيزات القهوه بما انهم 30 حرمة ماشاءالله تبارك الرحمن

تحتاجون 3 مطارات شاي +3 مطارات قهوه

مطارتين ماي مغلي ومجهز جنبها مغلفات كبتشينو

وقهوه سريعه وسكر مكعبات

ويارب يسهلها عليج وتكون احسن عزيمه