ساعدوني والله تعبت

السلام عليكم.


بنات ما بطول عليكم انا هذا اول موضوع ليا في المنتدى وسجلت عشان ابغاكم تساعدوني لاني تعبانة من جد ونفسيتي ماهي تمام.

ما احب اعيش دور البنت الحزينة والله واللي ضحية كل شيء، ولكن انا فعلًا احس اني انسانة محد يطيقها ولا يحبها وقاعدة اعاني من هذا الشيء من زمان زمان ما اعرف من متى بس من زمان ولا اختفى هذا الشي مني الا لما طلعت من الدولة اللي انا فيها ورحت دولة ثانية لمدة 7 سنين.من أيام المدرسة وانا محد يحبني وكأني منبوذة اكون بين صحباتي ويرمو كلام عليا بأي شي شكلي اسلوبي أو اي حاجة وتجي فترة بعدين يبعدو عني واروح اصاحب ناس ثانية ونفس الشيء يصير ويتكرر على مر السنين ولما وصلت للمتوسط برضو نفس الشي حصلي وجات شلة سحبت مني صديقتي اللي مره معايا وحرفيًا صرت وحيدة وطلعو عليا كلام لصديقتي وقالوا اصلا كيف مخاويتها سيبيها وهي لما طلعنا ثانوي لقيت فرصة وسابتني وراحت لهم بعدين في الثانوي صاحبت شلة والشلة الى الآن معايا من يوم تخرجنا 10 سنين ولكن محد قريب مني غير 2 بس والشلة فيها 14 وحدة عكس صحبتي المقربة الكل يحبها والشلة كلها معاها تمام وهروجها حلوة أما انا لا للاسف حتى اوقات ما كنا في المدرسة ولعبنا مصارحة وكل وحدة تكتب رايها عن اي بنت في الفصل فيه 2 اختاروني وكتبو ان ( فلانة تقهرني) والثانية كتبت عني (فلانة تستفزني) 2 نفس التعليق وزعلت مرة وما اظهرت هذا الشيء وعادي كملت مسيرتي بعرد ماخلصنا تجمعات اهل زوج اختي واحتكيت فيهم صار يطلع عني كلام ( فلانة ماتنبلع) فلانة مانحبها رغم انهم قدامي عادي وانا والله ما سويت شي يزعل ولا قلت شيء هذا الكلام كله قبل 10 سنوات وبعد سفرتي لما احتكيت بمجتمع ثاني في البداية كان فيه رفض بحكم انهم ما يعرفوني بعدين لا صاروا يحبوني ومتقبليني وانبسطت لاني كنت اسمع كل مكان مدح! حتى للناس اللي ما اعرفها تقابلني وتمدحني! المشكلة فين بالضبط؟ انا الآن رجعت مرة ثانية لدولتي اللي هي السعودية واللي مزعلني اني لما حطيت رجلي رجع لي الماضي وشخصيتي انتكست وكل شي خرب للاسف وافتكرت كل شي وزعلت زعلت جدًا ان المجتمع كان مو متقبلني والآن لما اجلس مع صديقاتي القديمين لا احس في حاجز مو قادرة اخذ راحتي واتكلم بحدود واخاف اجرح احد بكلامي واخاف اكون ع طبيعتي واستفز احد أو اقهر احد لان هذه الفكرة اللي انبنت عني اول! صرت استثقل الجمعات واتمنى اطلع من المكان واذا احد جا عندنا استنى متى يروح وبعد ما يروح احااسب نفسي ع كل كلمة قولتها ولا يكون زعلو مني! الناس تعطي اختي وجه اكثر وتنبسط معاها حتى رحنا عند ناس نعرفهم زمان ورحنا بعد فترة كانت في بنت بقدي متزوجة احتكت في اختي وكلمتها بسرعة وانا كاني جدار! وللاسف دائمًا كذا حتى مع اخواني يتكلمو عادي ومرات ما يتكلمو ولا يحاولو يحتكو فيني لكن مع اختي غير! طيب ليه! والله شي يزعل! طيب انا ايش الغلط فيني؟ معقولة محد قادر يصارحني ولا ايش! محد يطل فيني ! رغم اني احاول ما اقسى ع احد وغيرت شخصيتي مرره عن المدرسة قولت يمكن الناس ماتحب نظراتي صرت ابتسم دايما واضحك واحاول اتكلم! صرت اخاف اقابل حتى صحباتي لا اكون كريهة او ممله رغم ان صحبتي تطلب تقابلني من كم يوم ! خلاص مخي تبرمج اني شخص كريه ولا يطاق! ما اعرف ايش اسوي صرت اخاف واتحسس من كل كلمة وحتى ضيوفنا اللي اعرفهم لما يجو يطلو في اختي ويتكلمو وياخذو ويعطو وانا مهمشة! تعبت والله من ذا الشعور! صرت ابغى ارجع للدولة اللي كنت فيها مرتاحة بدون تفكير! والناس متقبليني اكثر هناك! الصغير والكبير والكل كان يضرب لي حساب ؟ ايش المشكلة يجماعة تكفو ساعدوني! انا نفستي في الحضيض وكل يوم ابكي واحاسب نفسي ولا انبسط بشيء واشيل هم اذا احد بيجينا كيف اكون في احسن صورة وما ازعله بكلمة وامسك نفسي عن اي شي لدرجة اني صرت اتردد حتى اني اتكلم انا احتاج مساعدتكم الله يسعدك ايش الغلط اللي فيني؟ عاقة بأهلي؟ ولا احد داعي عليا؟ ولا شخصيتي فيها علة؟ ولا ايش بالضبط؟ انا اعامل امي كانها صحبتي وما ادري يمكن احيانًا ازودها وربي يزعل مني عشان كذا تعاقبت اني اكون منبوذة؟ مافهمت فين المشكلة بالضبط والله؟ صرت ما اطيق نفسي وابكي ونفسيتي دمار من يوم ما رجعت هنا محد متقبلني احس!