ساعدوني والله عورني راسي من البكا

السلام عليكم ورحمه الله
انا قريت مواضيع كثيره في منتداكم واعجبتوني والله وهذا اللي شجعني
اكتب لكم مشكلتي مع زوجي اسمحو لي كلامي مو مرتب لاني تعبانه والله
حاسه اني بنفجر من التعب زوجي ياخواتي صافطني على جنب يعني لايحس
ولا يشعر فيني ولايقدرني ابدا كل شي عنه هو وبس يعني الطلعه اهم شي
هو يطلع انا كيفي عادي ازهق عادي انعزم ومااروح اهم شي اهو يطلع
وانا كيفي اللبس والفلوس مايعطيني كل شي كثير وغالي ودايم وماعنده
فلوس رغم انه يشتري لنفسه بالالاف ويشتري هدايا لخواته واخوانه وزوجاتهم
كل الناس الا انا حتى لو فيه مناسبه اكيد بتقولون انتي ماتقولين له والله
اقوله ومايوافق مره قلت له ابي ساعه عندنا مناسبه تدرون ويش سوى؟
عيا يعطيني فلوس اشتري وعيا يروح معي راح هو وشرى ساعه تفششششل
مو الذوق بس حتى رخيصه مره اقل من اللي يشتريها لنفسه ولخواته يعني ذوقه
اعرفه احسن من كذا بكثييير وبعد حالته يقدر يجيب لي ساعه اغلى
تدرون ويش صار ؟ حسيت اني انهت مو كافي انا اللي ابيه يالله يجيني لا وبعد
رخيص وشين ( قيمتها ماجت ميتين ريال وتوه شاري لاخته ساعه ب18 الف ريال؟؟؟)
وساعته فوق العشرين الف ؟ مو كذا اهانه لي ؟
قبل فتره جوالي خرب من قدمه يقول مو لازم جوال للحريم قلت طيب تركته بالدرج
وهو يغير جوالاته باستمرار
اثاث البيت المجلس يهبل وباقي البيت قرف؟ اذا جاني ضيوف مايجيب لي اغراض اسوي لهم
شي مع القهوه ولا الشاي ولا حتى العشا يقول البيت مليان اوكي فيه رز ولحم ودجاج
لكن مثلا ابي حلا مع القهوه عيب احط القهوه لحالها مايوافق
لكن لما يكون عنده عزيمه رجال والله انه يجيب اكثر من كيلو ومن اكبر المحلات
بالرياض ؟؟ طيب ليه انا كل شي لا.
ولا اللبس اللي يالله يخليني اشتري هذا اذا وداني واذا وافق يدفع لي !
قلت بلا عزايم ويش ابي بالناس خليني بالبيت اريح لدرجه والله العظيم
اني ماصرت اروح للعيد كل هذا ماعندي شي البسه ملابسي قديمه مره
وانتم خبركم الناس يالله سترك منهم .الاسبوع اللي فات انعزمت قلت
يابنت رمضان وبر وصله روحي مو لازم تلبسين زين البسي اي شي وفعلا رحت
(طبعا مع اهلي لانه مايوديني مكان)تدرون ويش قال قبل مااطلع
قال غريبه بتروحين .يعني يشوفني تاركه الناس وعارف وملاحظ ليه ماسالني؟
ليه مايشتري لي؟ ليه حاقرني بالعربي .ادري تقولون عني ابالغ
بس والله العظيم انه ماجاب لي شي خلال 3 سنين الا ساعه اللي قلت لكم عليها
وعطر .انا موقصدي هدايا ؟
بس اذفتحت دولابي احصل ملابس جهازي بس وانا والله هريتهامن الكرف
مادري ليه مايعاملني زين . والله صرت استحي اعزم احد بالبيت .
مجتمعي ومجتمع زوجي يحبون التكريم والاهتمام شينه بحق زوجي
يجوني ومااكرمهم غالبا اعزمهم بس اكون متفشله يعني مو مثل بيت
اهلي ولا بيت زوجي ولا على حالته يلقون تكريم .
بالصيف اللي فات زواج بنت عمي مارحت ؟ماوافق يوديني للسوق اشتري
ولا وافق اوصي احد ؟ قال ماعندي فلوس ويحلف ويقسم ان ماعنده فلوس
وبعد 3 اسابيع تملكت اخته وسوى لها حفله كبييييره هديه منه طبعا ماله
داعي اقول لكم اني مارحت
بنات والله مااشوف الشاشه من الدموع حاسه اني منهانه ؟
مره بكيت عنده كان يتكلم عن طبايع الناس وبين الكلام قال مثلا انتي
معقده ماتحبين الناس يجيونك ولاتروحين لهم ؟ بكيت على طول قلت
الناس يبي لهم لبس انا ماعندي وفتحت الدولاب وريته هذا من جهازي
وهذا لبسته ميه مره وهذا قديييم شلون اروح ؟ انتبه وقال خلاص انا بعطيك
مصروف تدرون كم 50 ريال بالشهر .
بنات والله ماابالغ ووالله اني صادقه ووالله ان دخله فوق 15 شهريا
زين البيت .....ماعندي فلوس
اشتري لي شي .....ماعندي فلوس
خلينا نطلع من البيت زهقت ....ماعندي فلوس
ادري ان اهله بيجون اذادخل وجاب اغرااااض الدنيا.....
مره بكيت وقلت له على معالمته وتقصيره معي وانا مابي احد يتكلم عليك
ويقولون انك مقصر معي ومعاملتك مالها الا معنى واحد انك ماتحبني
طلقني ياابن الناس انا مابي انهان اكثر من كذا
تدرون ويش صار ... قال تحملي وعيشي وضعك .رحت ازور اهلي وقلت خلني كم يوم
تعبانه دق علي وقعد يبكي ؟؟ انااحبك ؟؟؟ ليه تهيني ليه تحرمني
ليه تضايقني قال مادري بس ماقصدي طيب انا اقولك كذا يضايقني وكذايفرحني
قال انتي بنت رجال تحملي
ادري بتقولون اللبس مو مهم والبيت مو مهم والفلوس مي مهمه والطلعه مي مهمه
بس لما يكون الشي مستمر يقههههههر
انا اسفه طولت حاسه اني بموت مقدر اتحمل خلاص وماعندي احد اشكي له
امي متوفيه ومابي اتكشف عند اهله دلوني شسوي
ماقدر اكمل من الدموع