ساعدوني ، والله في عون العبد مادام العبد في عون أخيه

السلام عليكم ورحمة الله وبركاته

أحبائي في الله اعرض لكم مشكلتي واتمنى من الله ان تساعدوني في حلها:(
أنا تخرجت من الجامعه وماشاء الله توظفت في نفس الشهر والحمد لله.....
وانا اشتغل في الشركه اغلبيتهم أجانب.....بس المدير مواطن والحمد لله يعني في مواطنين ومواطنات بس مو وايد...المشكله أنني دائما اسمع كلمات من البنات الي يشتغلون في نفس القسم(مو مواطنات) مما يجعلني حزينه:( ....لا أدري هل هم بالعناد يسون هالشي عشان اترك الشغل ولا شو والله اعلم ما في قلوبهم ......
وانا بصراحه من نوع ما احب اتكلم عن المدير او اي شخص في الشغل( يعني الغيبه والنميمه) ما امدح عمري بس من ايام المدرسه والجامعه احترمه المدرسين والمدرسات
في بنتين(الله يستر عليهم) في الشغل دائما اسمعهم يرمسون شوي شوي( يعني بصوت منخفض) ويقولون ((شو هالمدير شايف نفسه....قبل ما كان يسوي هالحركات...اكيد يوم توظفت هاي))،((ما كان يطرش لنا ايملات يخبرنا انه عنده اجتماع أو بيظهر من وقت..من يوم يت هاي نشوف هالحركات))((والله المدير الأول كان احسن من يوم ياه هالمواطن قام يوظف ابناء بلاده)) ويقولون ويقولون.....:(
بصراحه بديت اكره الشغل والله لو مو ضروفي الصعبه جان تركت الشغل بس ما اقول لاحول ولا قوة إلا بالله...
أخوات في الله والله انا محتاجه حد يساعدني حتى ولو بكلمه...او نصيحه
يجزاكم الله في الله الدنيا واللآخره إن شاء الله
أختكم في الله الحزينه