ساعدوني والله مخنوقه

السلام عليكم ورحمة الله وبركاته
خواتي الغاليات انا قصتي طويله شوي بس والله ما عندي حدا اشكيله غير ربنا وغيركم لعل وعسى حدا يساعدني ويلاقيلي حل
انا وخواتي 5 معروفات ب اخلاقنا وتربايتنا ومعروفات اكثر اشي بالخجل خجولات كثير وحلوات الحمدلله كلنا تزوجنا للأقارب وخواتي الحمدلله مبسوطات ومرتاحات وانا كنت مثلهم بس للأسف خربت كل شي نزعت علاقتي بزوجي واهله بسسب مشاكلي والدة زوجي بتكون خالتي ووالد زوجي كمان من اقاربنا وكانو يدللوني ويحبوني اكثر من بنتهم الوحيده وحتى اخت زوجي انا وياها كنا مثل التوأم واخوان زوجي كلهم يحترموني ويعاملوني مثل اختهم وانا كنت اعامل الكل بالمثل انا اول كنه وطاير عقلهم فيني من جميع النواحي بس بعدين صار اشي ما حدا كان متوقعه البنت الخلوقه الخجوله المربايه تحولت لبنت قليلة ادب ما بتحترم حدا كنا انا وزوجي عشاق وحياتنا حلوه وبسيطه ومريحه بس للأسف تحول كل هالشي وانقلب علينا بطلت اتحمل زوجي حتى لو مزح معي مزحه صغيره بس يتبسم معي كنت انخنق بلشت المشاكل الي كنت اخلقها بدون سبب وبلش صوتي يعلى عليه امام اهله وكانو يحاولو يهدوني ويروقوني بس للأسف كنت اقلل من احترامهم تطور الموضوع صرت اكره اهله وانعزلت عنهم تماما بعدين بلشت اكره بيتي تركت الصلاه داخل بيتي ما بقدر اصلي فيه شي بيمنعني عنها لما اكون عند اهلي بصلي كل فروضي وبقرأ قرأن بس ببيتي بتحول لوحده ملحده بترك الصلاه لخمس ايام احيانا حاولت اتغلب ع حالي لكن للاسف ما نفع الموضوع فيه شي بيمنعني من الصلاه وتشغيل القرأن ببيتي صرت اخاف من سماع القرأت بالبيت عندي بضل طول الوقت مخنوقه مهمومه وببكي زوجي حاول يساعدني كثير بس للأسف صرت اخليه يطلع من البيت واذا تواجد فيه بضل اعمل مشاكل واكسر ب اغراض البيت طبعا زوجي حاسيته تغير معي واهله صارو يكرهوني وبطلو بعاملوني مثل اول واخو زوجي لما بتواجد ببيتهم هو بيطلع منه لانو اخر مشكله برمضان طردتو من بيتي مع انو كان جاي يصلح بيناتنا وللعلم انا دائما غلطانه ودائما بيوقفو معي تعبت والله من هالحاله لدرجة احيانا بفكر بالانتحار بس برجع بتذكر اني حامل وبحكي بلكي هالطفل رح يجيب السعاده معه وترجع الايام الحلوه الي راحت واحيانا بفكر بالطلاق بس زواجي رافض الفكره نهائيا طلبت منه ياخذني على شيخه او حدا يقرأ علينا بس رفض لانو ما عندنا حدا موثوق من هالناحيه صراحه ما في حدا بيعمل شي لله تعالى