ساعدوني والله نفسيتي دمار

بسم الله الرحمن الرحيم
سلام الله عليكم اخواتي الفراشات ورحمته وبركاته
والله لجأت لكن بعد الله يمكن القى عندكن حل لمشكلتي
والله ضاقت فيني الدنيا لدرجة اني ادعي بهذا اليوم ان الله ياخذني ويريحني من هالحياة
صدقوني مافيه اصعب من الحياة اذا فيها زوج ظالم مايرحم والله تعذبت معاه ماادري هو يكرهني او يحب يشوفني اتعذب والله يقول كلام مثل السم اسلوب ومعاملة زفت تخيلو يناديني بالفاظ وقحه زي الحيوانات اعزكم الله صبرت وقلت حسبي الله يمكن هذا اسلوبه
بس يااخواتي اللي ينكر الجميل ومافيه بقلبه ذرة رحمه وفوق كل التعب اللي اقدمه اخرها ينكر والله يشهد علي الله بهذا اليوم الفضيل اني ماقصرت معاه باي شي سواء في نظافة البيت واطفاله والله يوميا تنظيف وغسل وطبخ ولا ماهو وجبه او وجبتين وهو طبعا مو من انمع اللي يحب المطاعم لان غلطتي اعطيته وجه والله وش اقول باختصار اني اكد له ولعياله والبيت وماقصرت باي شي فوق هذا والله ياخواتي يوميا يقول انت ماتشتغلين وانت رفله ومن هالالفاظ الوقحه طيب اقول ليش يعني وش اللي قصرت فيه معك يعني وش تبي اسوي اكثر من كذا كل انسان له طاقه والله ماله حجه حتى رده مو مقنع
المشكله لو تعرفون ضروفي تقولون حرام حتى يتشره وينقد وانا بالوضع المحرج هذا والله يااخواتي انا بالشهر التاسع وكلكم عارفين كيف الحركه تكون من غير النفسيه والله اتحمل الام مايعلم فيها الا الله خصوصا انيقبلها ولدت قيصري وحملت بدري والله ماتتصورون الم العمليةمن حملت بالذات هذا الشهر والله اني اتعب واحيانا ودي بس اكون منسدحه على ظهري والله اني اقول لا الحين يسمعني كلام يجرح والله النوم والراحه علي بالحسره مايحب يشوفني مرتاحه والله لما اكون نايمه يقعدني والله عشان مويه بس
وعندي طفلينالله يخليهم ويهديهم والله كل الناس تتكلم عن شطانتهم وحركتهم صعب اتكلم لكم عن عذابي وتعبي معاهم والله شقاوة مو طبيعيه
احس اني مليت صبرت وصبرت على كل شي احسني ابي اتفجر والله عمري ماشكيت لاي مخلوق بس الظاهر اني
لازم ادخل احد اقلها يحنن قلبه علي شوي والله يفعل مافيه الخير