ساعدوني واللي خلقني وخلقكم اني في هم وحيره ما يعلم فيها الا الله

السلام عليكم ورحمه الله وبركاته
خواتي وحبيباتي بنات عالم حواء ابغاكم تدعون لي فأنا في حيره وفي هم ما يعلم فيه الا الله سبحانه
السالفه انه جاء تعييني هالسنه والحمدالله في محافظه الخرج وانا من سكان جنوب الرياض يعني المسافه قريبه نوعا ما حوالي ساعه فقط
باشرت يوم 7 شوال ورفعت اوراقي
بعدها بثلاث اسابيع اخذت اجازه وضع الى بدايه شهر محرم واخذت استثنائي بعدا الى نهايه الترم ،قدمت على اجازه استثنائيه للترم الثاني لين تتحسن الاوضاع والنفسيه لكن ما قُبلت
طبعا كنت فرحانه ومبسوطه بالوظيفه وطايره فيها لن بعد اسبوع من الدوام تغير الحال
تعبت نفسيا وتحطمت وصرت اشوف سواد على المدرسه اذا مو الخرج كله
والله اني احيان اصحى من نومي مفزوعه وابكي وكأن هم على صدري وكأني بروح لقبري مو لوظيفتي
حاولت ااقلم نفسي عجزت
في المساء اقول خلاص بروح واداوم وفي الصباح رأي ثاني تماماااااا واقول بعتذر ما ابيها خلاص ويطير النوم من عيوني واجلس بس افكر وما انام 😭😭😭
تعبببببببت والله العظيم ماعمري احترت في شي في حياتي قد ما الحين محتاره
احيان اقول بروح وبتحمل وفجأه يوم اتذكر المدرسه والطريق يضيق صدري فجأه
احيان اقول اخاف اتركها واندم
واحيان اقول ما ابيها اهم شي راحتي النفسيه
والكل عندي يشجعني ويحاولون اني ما اتركها خصوصا انها فرصه ماتفوت وغير كذا المسافه قريبه مو بعيده لكن عجزت اخذ رااااااي نهائي
ابغاكم تدعون لي ان كان فيها خير لي ربي يساعدني واكمل
وادا فيها شر يصرفها عني واتركها وانا مرتاحه وضميري مرتااااح
وما استغني عن ارائكم يا اخواتي في الله والله ما كتبت لكم الا عارفه انكم بتساعدوني وما بتخلوني بارك الله فيكم 🌸