ساعدوني ودلوني على الخير أرجوكم

أنا ساكنه مع أهل زوجي بملحق وهم بالدور الي تحتي وأكلنا مع بعض يعني أنزل تحت عشان اطبخ وبالليل أنزل عشان العشا مع إن الوضع مو عاجبني بس تحملت خمس سنوات أحيانا لما تصير بيني وبين أم زوجي كلام تزعل مني وتجلس كم يوم ماتكلمني وأنا أخليها على راحتها متى مازعلت براحتها ومتى ما رضت براحتها ولو كنت أنا الغلطانه والله أستسمح منها واراضيها وفي يوم هي غلطت على وأنا مشيتها قلت حرمه كبيرة وعشان زوجي وبناتي لكن لما نزلت ثاني يوم لأسوي الغداء كانت مكشرة وزعلانه ضاقت فيني الدنيا هي الغلطانه وهي الزعلانه كملت اليوم عادي ولما جا زوجي قلتله آخر يوم أسوي الغداء تحت الحمد لله عندي مطبخ وكل شيء ماني جالسه تحت رحمتها طبعا زوجي رفض وقال أنه كذا بتسير مشاكل وبيزعلون واذا زعلوا ماراح تنزلين عندهم وبتسير مقاطعه وانا اقله أسبوع ولا أثنين بترجع المياه لمجاريهابس هو رافض نهائي وأنا ماودي أركب راسي وأسوي مشاكل ماني قدها وفنفس الوقت مالي خاطر ابدا أقابلها عند الطبخ كل يوم وهي كل كيفها متى ماودها زعلت ومتى ماودها رضت انصحوني جزاكم الله خير والله الهم كله فوق راسي وعلى فكرة استخرت مرتين والخيره حسيتها في إني أصبر وأتحمل وبلاش من المشاكل بس نفستيتي والله زفت أحس إني مقهورة ميته قهر ادعولي الله يحقق الي في بالي