ساعدوني وربي مليت وزهقت وابي حل تكفووون ياهل الوجيه الكريمه لاتنسوني انصحوني

السلام عليكم بنات بصراحه مليت من حياتي
ابختصر لكم حياتي انا مافي مشكله بالدنيا الا جتني ولازمتني
مايحتاج اتكلم باختصرها لكم بنقاط
اولا
مطلقه مرتين وعندي ولد انا دايم اللي اطلب الطلاق وهم اساسا فيهم عيوووب دينيه وشرعيه
ثانيا
مو متوظفه على اني جامعيه وحالتي الماديه وسط واحيان احتاج فلوس
ثالثا
ماحب الناس وزاد كرهي لهم بعد طلاقي واحس ان الحقد والحسد بد يدخل قلبي
رابعا
انا اتكلم كثيرررر بالناس واتريق على اللي اعرف واللي ماعرف يعني كن سبيل الدعابه
خامسا
ماصلي حاولت بس ماقدرت كثير انساها تمر دوره وتدخل الثانيه وانا ماصلي واذا صليت مره بشهررر او مرتين بس عدم الصلاه جاني بعد طلاقي الاخير تقريبا من سنه انا بنفسي لاحظت الفرق قبل وبعد
انا قبل زواجي اصلي واترك واخررررر
بس بعد الطلاق وتعب نفسيتي زادت الحاله واحيان تجي وساوس بقلبي انه وش الفايده ماتتعبر حياتي دايم المشاكل تلاحقني
استغفر الله والله اني اكتب وندمانه على كل شي
كثرررت الوساوس بقلبي اني معيوونه او مسحوره واحيان اقول بلاخربيط مين بيسحرني مالي عداوات
والله اني كنت تمام بس مدري وش صابني
تعبت من الضنك والكسل والفقر لله بس ادعي دايم والله ماتركت الدعاء والاستغفار وعارفه اني مخطئه وندمانه وماني مستحيه من احد لانه حقيقه
علي صيام تسع ايام وماصمت احيان يجيني شعور واقول اصوم يمديني قبل رمضان بس ساعدوني والله اللي تنبهني اني ادعي لها
عطوني طريقه تخليني اكثر تمسك بالدين وعدك التفكير بالماضي
على فكره احب النظافه وماتحمل بيت اهلي وصخ بس انشغل بالتنظيف ووولدي وبس وربي ماسمع اغاني وتلفزيون نادر بعد بس تعبت الي وجهي ينور
اطالع اليوم بالمرايه احس وجههي شاحب مظلم مقهور مكسور مريض وعيوني احسها شقيانه
لاتقولون لي غريبه انتي انا متاكده اني فيكم من قاعد يصير له مثلي
حاولت قبل يومين اسمع قران سوره يس وربي ماتحملت حسيت بضيقه ونزعه السماعه الجوال وكاني اتهرب من القران
شخصيتي مرحه احب الضحك والوناسه والجماعات بس تغيرت لما تزوجت شخص اناني بحب نفسه وملذاته وتحطمت لما كنت حامل وجاني سكران ويحشش بالبيت ومسوي فيها عنتر وحاطني شغاله لها خرب نفسيتي حسبي عليه كرهت الناس وكرهت الرجال كفايه انه حرمني من احساس الفرحه بحملي كنت دايم احس اني ناقصه وانه اخذني بس مظهر مو مهتم الا ببطنه ونومه ويجلس لحاله وله مكالمته وانا حماره عنده تكرررر بالبيت حرمني من اهلي وصديقاتي لاازور احد ولاحد يزورني كنت بس انام ودموعي بخدي اذا جاء ينام معي بس يخلص ويروح وانا جماد عنده مالي مشاعر ولامطالب وكنت اشتهي الاكل ويجيبه بس ماحس باي طعم والله
ماتحملت العيشه كذا بعد ولادتي انحشت لبيت اهلي وطلبت الطلاق وطلق لان اهلي هدوده بسجنه
رجعت لبيت اهلي اختلفت معاملتهم لي مدري انا حساسه بزياده او هم تغيروا ماتحمل اي شي لو مزح على اني كنت دايم احب المزح بس ابكي وانذكر ضلمه لي وانكساري وضعفي ومحبتي له لاني اعامله باخلاق ومره تتحمل بس هو اهانني ماحترمني حاولت اتاقلم مع الوضع الجديد وارجع زي ماكنت بس والله والله ماني عارفه كيف ابد وكيف انتهي
اذا سمعت وحده متوفقه بحياتها من اقرابائي يجيني شعور واقول مو انتي الهناء مايلبق لك انتي مكتوب عليك الحزن والشقاء طول عمرك اقعد احلم احلم احلم وبنهايه ارجع للواقع واتحسررر على حياتي واندم عمرري 34 كبيره مو صغيره والكبير ربي وتزوجت وانا كبيره وتطلقت بعدسنه بس
كيف ارجع نفسي لنفسي القديمه
لاتهاوووشوني انصىحووووني وخذو بيدي
عسى كل وحده تفيدني ربي يسعدها وينجيها لبر الامان