ساعدوني وشوروا عليه يا اهل الرأي السديد

انا مطلقه وعندي ولد وبنت . طلبت الطلاق بسبب سوء معاملة زوجي معي وتقصيره في كل شي . والحين هو يبغى يرجعني وانا موافقه ارجع له مو حب فيه بس بسبب قسوة اهلي معي . آذوني واهانوني انا وعيالي وكسروا نفوسنا . فقلت جحيم زوجي وﻻ جحيم اهلي .. المشكله الحين انه ابوي قال بيشرط على زوجي مهر جديد بحدود عشرين الف وذهب مثل البنات . طبعا ما طلبها حبا فيه واكراما لي ﻻ والله لكن يبغى يكلف عليه وهذا كلامه بنفسه . المشكله انه الحين يعمر بيت ومديون وحالته بالويل وهو متزوج اصلا وحده غيري وعنده منها عيال . شوروا عليه وش اسوي . ابغى ارجع بس ابوي متحلف فيه ان يخسره في فلوس المهر والذهب هذا غير اجار الشقه و و و ... انا فكرت ارسله عن طريق اخته واقوله عادي ادفع المهر اللي يقول لك واﻷجار وانا برجعها لك يوم الزواج بدون يدري ابوي .. بس هذا الشي مو زين في حقي . وش السواه الحين .ﻻ ابوي اكرمني انه يطلب مهر معقول ويحاول يصلح العلاقه بيننا . وﻻ زوجي يقدر يدفعها . وان رجعتها له بيعايرني بها مثل ماسوا معي في مواقف غيرها ..
الله يكتب اجركم ويفرج كربكم دلوني على التصرف الصحيح . حسبي الله ونعم الوكيل .. لو ان اهلي رحموني وعاملوني برحمه وانسانيه مافكرت ارجع له . ما اشد الم وضعف اللي يلجأ لظالم هرب من ظالم ثاني .. لكن كله ﻷجل عيالي يهون .