ساعدوني وش اسوي مع بنتي عمرها 5 سنوات

ياقلبي قريبه من بنتي

بنتي 4 سنوات وفقعت قلبي من جد

عنيده وبالذات في الاكل كأني بفترسها مو أأكلها... تصيح وتشرد .

شوفي فيه دوا فيتامينات وفي نفس الوقت يفتح الشهيه بنت عمي اخذته لولدها ونفع معاها

انا بنتي ماتتقبل الادويه الله يهديها كله يروح في ملابسها

اسمه رويال جونيور (فيتامينات بغذا الملكه )

وبرضه يمكن بنتك زي بنتي عندها نقص في الحديد (نقص الدم ), هذا يخلي شهيتهم زفت ونحفانين وبشرتهم شاحبه..

انصحك بالعسل الاسود (دبس قصب السكر) اعطيها في الصباح ملعقه او حطيه لها في كاس صغيره حليب ولا تحطي سكر هوه كفايه .
وملعقه قبل ماتنام في الليل. ... يعدل نسبة الدم بإذن الله ونتيجته اسرع من ادوية الحديد,, وكمان ادوية الحديد تعذب المعده..

وماشاء الله بناتنا مو ناقصين علل.

ترا عسل حلواني (قصب السكر) افضل من غيره وبالذات للأطفال لأنه مافيه كبريتات ..

وهذي صورته

على فكره غيري مكان اللي بتأكلينها فيه ورتبي سفرتها بشكل مختلف عن العاده

والله التغيير ينفع معاهم ..

واذا زهقت سوي لها أكل تقدر تاكله بيدها

مثلا ساندوتش وعصير وحطيه في صحن وخليه قدامها ولا تكلمينها ولاتقولين لها كُلي حتى..

لأن مطارتنا لهم هي اللي تخليهم يتهربون من الاكل..

انا جربت هالطريقه برضه..

الله يهديهم........... بنتي علتني في أكلها ,,, لكن كله بمحاولات زي كذا (يعني محاولات غير مباشره.)

وهذا ولسى وزنها اقل من الطبيعي,,,

تسلمين مصدر الجود ....والله يعطيك العافيه ....
وان شاء الله تتحسن حالتها ....

مشكلة الامهات يبغون ياكلون عيالهم غصب
وبالمضاربه والصيااح
وهذي كلها تخلي الطفل يشرد ويكره الاكل

انا اقترح طريقه جربتها على ولد اختي ...اتمنى تنفع معاكم

اول شي ..شي خليها في يوم كذا تجوع تجوع تجوع ولا تسألين عنها من ناحية الاكل ولا تطالعين فيها

ثانيا
سوي اطباق من اللي هي تحبها .. لاتغصبينها على اكله ماتحبها ... واحرصي انك تسمي الوجبه كل وجبه لها اسم مميز يرتبط باشياء هي تحبها ... مثلا سويتي مكرونه ... قولي قدامها سوي نفسك قاعده تكلمي نفسك او تكلمي احد قدامك .. ممممممم هذي مكرونة باربي ..ولا هذي ساندويشه زي اللي سوتها ستروبري في الرحله مع صاحباتها ... حتى كذا تحس ان اهتماماتك نفس اهتماماتها وانك قريبه منها ..


بعده جهزي اكلها وحطيه في صحون الاطفال الملونه واللي عليها شخصيات كرتون ومزينه وفيه حركات غريبه ..وخلي شكله مرتب وحلو وحطي الاكل بحيث تلاحظه قدامك انت .. وابداي انت كلي الاكل قدامها .وسوي انك تطالعي التي في . وانتبهي تطالع فيك وتلقاك تختلسي النظر لها



طبعا هي ماراح تقاوم لانها تكون جيعانه مره .. وشكل الاكل يشهي .. والاواني مختلفه .. ورا تنصدم انك ماعزمتي عليها وجريتي وراها ... راح تشوفينها تقرب خطوه خطوه وتقعد تاكل ...

لانك سويتي حاجتين مهمه ( التجويع .. والطريقه المختلفه في عرض الاكل )

ورجاااااااااااااااء حار . طول ماهي تاكل لاتعلقي ولا تعليق ولاتبداي تتدخلي في اي شي .ولا تتحمسي ولا تشجعيها ولا تبدي اي فرح .. خليك طبيعيه . انسحبي بهدوء وخليها تكمل ..
واذا شفتيها ماكملت الاكل لاتعلقي .. خليه مكانه


وبليز لاتقوولي هذي طفله .. ومايحتاج اقعد اسوي هذي الطريقه المعقده .. ومايحتاج
لا ..الاطفال اذكياء جدا وحساسين جدا ويفهموها وهيا طايره ... وعنيديييييييييييييييييييين جدا جدا جدا

والله يعين

الف شــــــــــــــــــكر لك يا حورااااء 2006 ....الله يعطيكي العافيه ...