ساعدوني وش الدبره محتاااره(صور)

السلام عليكم ورحمة الله وبركاته



بليز ي مشرفات لاتتقلو الموضوع الله يسعدكم والله محتاجه آراءهم ومافي غير هذا القسم في تفاعل خلوه ع الاقل كم يوم الله يرضى عليككم

كيفكم صبايا؟

بدخل على طول بصراحه ي حلوين انا بنقل ان شاء الله لشقه جديده وعندي مشكله فالمطبخ أنه صغير أحسه ما يكفي (4 في4) وابغى اسوي دولاب للمطبخ بس محتاره ما ادري كيف وخصوصا أنه في الجدر الي ع اليمين جايه فيه كل شي الشباك وفتحة المكيف والسخان والشفاط كلها جايه بجدر واحد وأحس انو السخان والشفاط نازلين صح ولا في احد عنده زي كذا بمطبخه يعني صعب التفصيل فيه احس حيكون فاضي محتاره مو عارفه كيف اخلي الدولاب في هالجهه ياريت تساعدوني تعطوني أفكار كيف افصل دولابي انا حاجيب مايكرويف وفرن لوحده راح احطها فوق بعض حافصلها فالدولاب وراح اجيب عيون اللي هي سطح السيراميك وو نفسي فالجزيره الطاوله الثابته الي تجي بالوسط بس مدري محتاره اخاف احطها وتضيق لي المطبخ واندم كيف تقنعوني احطها ولالا؟
امممم وغير كذا ابغاكم تفصلولي الدولاب اعطوني افكاركم وين احط كل شي. زي ماانتو شايفين الصوره انا واقفه عند الباب وع اليمين الجدر الي مصورته وقدام الباب تجي المغسله وع اليسار فاضي الجدر وابغا اعرف كمان كم يكون ارتفاع الدولاب واعطوني ملاحظاتكم عن الدواليب وايش افضل شي
يالله ي حلوين ساعدوني بلييز في افكاركم وكمان في الثلاجه والبراده وغسالة الصحون لاتنسوها
الله يسعدكم ويريح بالكم اول مره افصل مطبخ ومااعندي خبره فيه