خواتي
ساعدوني الله يفرجها عليكم
ابي اعرف كل وحده وش نوع الاتصال اللي عندها للنت؟؟
انا اول dsl على الثابت وقالو تجي الفاتوره 180 ريال طبعا اقل سرعه
وشرينا المودم مدري بكم وبطاقة اول نت بذيك الحكايه
ولما جت الفاتوره الا هي 400 وشوي طبعا زوجي بغا يستخف وشلون وليه
راجعهم قالو سدد وبعدين اشتك
قال معصي
ورجع وابكي وانجنيت ابي نت
راح سدد وفصل الخدمات من نت وغيره.. زين مافصل الثابت بكبره
وقال مافيه نت بعد اليوم
جلست اكثر من سنتين بدون نت ,,, تخيلو
ومن سنه تقريبا شرالي لاب توب
وطبعا فيه واير لس
واسوي بحث وتطلع لي شبكات وقوة الاشاره ممتازه بس مقفله برقم سري ياخساره
وفيه شبكه وحده بدون رقم سري بس الارسال كل شوي يفصل
آآآآآآآآآآآآآآآآآآآآآه ماقدر اتحمل
حاولت اقنع زوجي ,, قال ابد ولا فيه اشتراك ولا تحلمين
اختي عندها كونكت سالتها قالت لي طارت عليها 120 ريال باتصال 20 دقيقه
بس مدري موبايلي والا اتصالات
مره كنت عن ناس وشفت جهاز ابيض طوله اقل من شبر ومكتوب عليه stc سالت صاحبته وقالت: هذا للنت اوديه أي مكان بيتي, بيت اهلي, لما اسافر اخذه ,,,وناسه
بشريحه عامه والفاتوره 70 ريال كل شهرين والتاسيس مجانا وهذا المودم مجانا
<<انا فتحت فمي هاه ؟
سالتها هذا وشو افاق ؟ افاق شامل ؟ جود ؟ وش نوعه؟؟
هذي صورته كان ماني بزاله
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 1024x768 و بحجم 118KB.
قالت مدري
طبعا ابي منكم اللي عرفته تقولي وهل صحيح الكلام اللي قالته؟؟
او اللي عندها شي مثل كذا خرافي تعلمني
الله يجزاكم الجنه
وفيه اقل من كذا