ساعدوني ولدي صغير عنده سكر

يااختى انا اخوي جاه السكر وهوعمرة 9 سنين والحين عمره 13 في البدايه صعب شوي ياخذ الابره لكن بعدين بيتعود ويصير شي عادى ويمارس حياته بصوره طبيعية اهم شي نفسية ولدك لا تحسسونه انه نامختلف عن اصحابه
وسكر الا طفال ماله علاج الا ابر الانسولين وفيه نوعية من الابر نحيفة مره بحيث مايحس الا بوخز بسيط
والحمدالله ياختى ان فيه علاج للسكر لان فية امراض مالها علاج
وانصحك باستشاره اخصائي غدد صماء اتحديد الجرعة
والف سلامة

مشكوره اختي الله يجزاك خير المشكله اني متزوجه غير ابوه وبعيده عنه يعني هو في السعوديه وانا برا .اشكرك اختي جزيل الشكر .......

يا فتون السكر في الاطفال غالبا مايكون وراثي يعني احد في العايله جاه السكر وهو صغير لكن المهم انه يحافظ على وقت الابر والوجبات بالظبط لان اي نسيان لموعد ابره ممكن انه يدخله في مرحلة حرجه لاقدر الله ممكن توصله لغيبوبه وماله علاج الا ابر الانسولين ولازم يدخل في فحوصات عشان يراقبون مضاعفات السكر ....انا ماقاعدة اخوفك لكن لازم تعرفين الاشياء المهمه في مرض ولدك ... ولازم بعد تعرفين ان معظم الاطفال اللي يعانون من السكر اذا اهتمو فيهم اهلهم يعيشون حياة طبيعية تماما لانهم راح يتعودون على الابر و تصبح جزء من حياتهم لكن المهم لازم الاطفال يعرفون كل شي عن مرضهم عشان يحرصون على ادويتهم بنفسهم .. وان شاءالله ما يشوف شر

جزاك الله خير اختي بس المشكله اني بعيده عنهم يعني مطلقه من ابوه ومتزوجه ثاني والولد مع ابوه وانا برا السعوديه لذلك بيكون اهتمامهم فيه اقل وهو متأثر مره يقول خلاص شوهتو سمعتي ماعندي سكر ولاشي ياعمري عليه والله اني احس قلبي يتقطع لاكن ادعوا لي اروح واشوفهم ولكم مني الف شكر وتقدير .وجزاكم الله الجنه .