روح نايف @roh_nayf

محررة

ساعدوني ولدي مايبي الا الشيل

ساعدوني بنات الله يخليلكم عيالكم

انا ولدي توه عمره 24 يوم من ولدته وهو مايبي اسدحه ابد بس يبي اشيله مع اني ماعودته على الشيل

نهائياً يعني اشيله بس اذا برضعه او اغيرله بس

انا مستعده اشيله بس الانسان طاقه يعني اذا رضع ونام على يدي احطه بسرير عشان يكمل نومه مافي ثواني

الا صياح اقول اخليه يصيح شوي الا ويزيد تقولون احد قارصه غصب اشيله والمشكله مادري هل هو من المغص

ولا دلع بس ييبني اشيله واول ما اشيله يسكت ويكمل نوم والله بالنهار اهلي يعاونوني فيه بالليل جايبه كرسي

بالغرفه اجلس فيه واحيانا من التعب والارهاق انام وانا جالسه اخاف بكره يطيح من يدي من كثر التعب

ناس قالو لي مدام انه شبعان ونظيف ولا فيه مغص خليه يصيح لين يسكت ويتعود على السرير بس لو تسمعون

صياحه غصب تشيلونه عشان يسكت اخاف يجيه شي دلوني وش اسوي لو رجعت لبيتي وشلون اتصرف معاه

ابيه يتعود ينام على السرير واذا صحى من عيوني اشيله بس اهم شي يتعود على السرير .

14K

يلزم عليك تسجيل الدخول أولًا لكتابة تعليق.

تسجيل دخول

غريب الدر • 13 سنة

الله يعنيك حاولي تعوديه شوي شوي

أبتسامة فجر • 13 سنة

يازينووووو ربي يخليه لك يااارب معليه أتحمليه لين أربعه شهور بنتي زي كذا وألحين خفت كثير بس زي ماقالو خليه شوي شوي بيتعود مابيسير فيه شي والله بنتي تبكي لين يروح صوتها وتسكت مو مره تخلينه يعني بس حاااااولي معاه لا تشيلين أبدا جيبيله الهزاز حق الأطفال وهزيه فيه وأعطيه اللهايه تسكته لين أربعه شهور وبس...

جراسا • 13 سنة

هيه اول 3 شهور متعبة جداااا في حياة الاطفال و بعدين بينتظموا

مملوحة البكيرية • 13 سنة

انسدحي جنبه وهزييه بيدك الين يناام

ولا تحطينه على السرير اليين ماايدخل بالنوووم وهزيييه اليين يناام

عوديه من الحين أحسن

الله يهدييه

شدون • 13 سنة

لاتخلينه يصيح كثير علشان سرته ماتلتهب وموزين الرضيع يصيح كثير
وانتبهي تهزينه لان كثر الهز ياثر عليه بالدماغ وسوي بحث بقوقل وشوفي مضار الهز للطفل
والله يعينك اول ثلاث شهور لازم تتعبين انا كنت زيك لدرجة اني كنت ابكي من شدة التعب وموعارفه انام بس لما كبر شوي تعدل نومه واهون من اول والله يعيينا يالامهات على التعب والارهاق
وانصحك تسوين له رضعة يانسون مره فضيع يهدي الطفل ويخليه يرتاح ويطرد الغازات والمغص بس لاتكثرين رضعه كل يوم بس مره وتكون قليله
والله يخليه لك يارب