هلا عزيزتي

الله يعينك حبيبتي والله يهديه لك
حاولي اذا ضربك اعملي نفسك طايحه بسم الله عليك على الارض ولاتتحركين

شوفي ردت فعله
لاتقولين مجنونه
اختي كانت نفس مشكلتك وولدها كان يمد يده ولمن يضربها تطيح على الارض وتقوله بمووووت آآآآآآه ومن هالسوالف
جربي

تقبلي تحياتي وقبلاتي اختك
آلاء

انا سسب تعلم ولدي للضرب افلام الكرتون خصوصن توم وجري يحب يقلدها مع ان عمره سنه و11شهر

هلا اختي .. الله يصلحه ويهديه .. اتوقع لما بدا هالحركات كان مايحصل نهي او يمكن ضحكتوا في البدايه .. المهم انه فهم ان الضرب مقبول ..
الطفل اذا ما عرفتوه وش حدوده حط حدوده من حاله .. ولك تتخيلين وش الحدود اللي بيحطها طفل عمره سنتين !!
جربي هالخطوات .. راح تحتاجين تكررينها كثير بس ان شاء الله تجيب نتيجه ..

اذا ضربك .. اقعدي على الارض انزلي لمستواه .. وحطي عينك فعينه.. امسكيه من ايدينه .. وبصوت ثابت ومنخفض بس قوي (لازم تتدربين انتي وابوه على هالصوت علشان تضبطينه ) .. قوليله ضربك لي تصرف غييير مقبول ما ابغاك تضربني مره ثانيه ..

اذا عادها ..
عيدي نفس الطريقه .. وحذريه انك هالمره راح تحطينه في غرفه المشاغبين ..
اذا عادها ..
خذيه وانتي سااكته ..لغرفة المشاغبين .. بشرط تكون آمنه .. بشرط مهي غرفته .. وبشرط انه ما يكون فيها شي ممتع للعب .. اذا كان سنتين حطيه دقيقتين .. قوليله ان ضربك تصرف غير مقبول وانك راح تحطينه في الغرفه علشان هالتصرف الغير مقبول وانه راح يقعد فيها علشان يفكر باللي سواه وانك راح تفتحين الباب بعد دقيقتين وتبغينه يعتذر لك ..وسكري الباب ..

اذا خلص الوقت افتحي الباب .. وقوليله يعتذر .. اذا اعتذر اشكريه لأنه اعتذر .. وخلاص الحين عامليه كان شي ماصار ..

والله يصلحه ان شاء الله ..
انصحك اذا انتي عندك mbc4 فيهبرنامج nanny 911
يطلع يوم الاثنين الساعه 10 بالليل
والجمعه ينعاد الساعه 7 بالليل

وفيه كتاب بجرير اسمه super nanny له برنامج تلفزيون بعد حلو مرره هالخطوات من الكتاب

يعني هي قسمت الطريقه الى 7 مراحل:
الانذار الاول
الانذار الثاني
غرفة المشاغبين .. او ركن .. او درجه من درج البيت
التوضيح
الاعتذار
الشكر
النهايه