السلام عليكم ورحمة الله وبركاته

والله اني مسجله دخول علشانك وربي يشهد

لاني مريت بنفس وضعك يوم جبت طفلي الاول كنت بالفعل مو عارفه شي

والحمدلله له له الحمد والشكر


اول شي الف الف مبروك المولود الله يجعله بار بوالديه ويبارك فيه ويصلحه
والحمدلله على السلامه

وشوفي اختي

بالنسبه للمغص:
فيه بالصيدليه شاي الاعشاب (مـيـلـوبا) لون علبته خضراء
هذا الله يسلمك خذي منه ملعقه وسط مو الصغيره حقت السكر اللي اكبر منها حقت الحلى عرفتيها ؟
المهم يالغلا خذي ملقعه وسط وحطيها في الرضاعه الصغيره مره وصبي عليها الماء واذا ماعندك الرضاعه الصغيره
عندك الرضاعه الكبيره حطي ماي الى حد الشخطه اللي فوق رقم خمسين 50 وملعقه وسط من الشاي وشربيه بالعافيه

واذا ماعندك احد يروح الصيدليه عطيه يانسون لين احد يجيب لك شاي الاعشاب ميلوبا

وبالنسبه للشرقه :
اذا شرق انفخي على راسه هذا اللي جربته وفيه ناس يرفعون يده اليسار وناس يسكرون خشمه اقل من ثانيه بس بصراحه الطريقتيين الاخيرتيين ماجربتهم

وقبل ماانسى اذا انتي اترضعينه من صدرك لاتتكلمين وانتي اترضعينه لان الطفل يشرق خلصي رضاعتك له وبعدها سولفي مثل ماودك يالغلا

وطبعا يالغلا لاتنسين اتحصنينه

وحاولي كل ليله تدهنين جسمه واتمهدينه عشان ياخذ نومته وهو مرتاح

الله يشفيه ويخليه لك ويبارك لك فيه


واسفه طولت عليك انمنى اكون فدتك

واتمنى اتعلمينا شنو يصير معك اعتبرينا خواتك واي سؤال ان شاء الله ماراح انقصر كلنا

كمون ويانسون نقعيها بمويه مغليه وحليها بالسكر لين تبرد وبالعافيه عليه
ممتااااااااااز

1- الرضاعة في كل وقت تسبب المغص رتبي اوقات رضاعته لراحتك وراحته عالاقل كل ساعة ونص
2- ابتعدي عن اكل البقول والملفوف والفلفل ومايسبب الغازات والمغص له
3- اشربي بابونج او كمون او نعناع لطرد الغازات
4- ادهني وامسحي جسمه بالزيت برقة.
5- ابتعدي عن المصاصة والسوائل الشعبية

والله يعينك فترة وتعدي

نونو الكويت
عمة البدر
سيرة الحرف
برونا
ام نونيه
الله يسعدكم ويوفقكم بجد ماقصرتوا
جبت له موية غريب واحسها زينه ان شاء الله سيرة الحرف ماقصرتي ياعمري الله يسعدك ويحقق لك ماتتمنين يالغلا

افضل شي تتلافي المغص قبل حدوثه
يعني ملعقة حلى صغيرة من موية غريب يشربها مع رضعة الحليب 3 -4 مرات باليوم ممكن تجنبه المغص باذن الله
واهم شي تكرعيه بعد كل رضعة (يتجشأ) ولما تنيميه لا تخلي راسه بنفس مستوى معدته .... لازم الراس والرقبة واعلى الصدر يكون اعلى من البطن ... استعملي مخدة طرية مررره ترفعه شوي سواء اثناء الرضاعة ولحد ساعة من بعد الرضعة عشان ما يصير له ارتجاع للحليب من معدته للمريء ويصير يطرش او يصير معاه التهاب اذن لاسمح الله .... يعني بكاءه يا يكون مغص من هواء ببطنه يا يكون ارتجاع ( مثل الحموضة او الحرقان عند الكبار) يا يكون التهاب اذن .
الله يشفية ويجنبه كل مكروه ويمن عليه وعلى عيالنا بالعافيه