ساعدوني ولكم دعوة صادقة في اطهر بقاع الغيب

هذا الكلام برمضان، والمشكلة حصلت بيني وبينها بشعبان، كنا راجعين من زواج وبنت خالتي عندنا، طبعا بحكم اننا سهرانات وضغط الزواج زيادة عن انه زواج من الجماعة صحينا اليوم الي بعده متأخر عالعصر
هنا ننصدم بخبر وفاة خالي الله يرحمة، وكانوا بيدفنوه عالمغرب ، قمت وربي الشاهد بدون ما اغسل وجهي وبدون ما ادخل لقمة بفمي عالتنظيف لانه عالمغربية على طول جايين عندنا ضيوف، وقفلت على نفسي المجلس عشان انظفة نظافة عميقة وبوقتها جات اختي وولدها عندنا، كان لابس جزماته وانتم بكرامة ويمشي فوق الكنب وانا لسى دوبي خلصت تمسيحه، ويشاغب ويوسخ كلمته بأدب مافاد وكلمت اختي وابويا ولا استمع لهم، قمت سحبته من يده وطلعته برى وكملت تنظيف

لمن خلصت كنت ادور على جوالي وما لقيته، سالت الكل ومحد جاوبني، وقتها صليت الوتر وانا ادعي لربي القاه نمت وانا غرقانه دموع ، مر تقريبًا اسبوع وكلمت اختي تسال ولدها وكل قريباتنا وكلهم نصحوني ببرامج وقعدوا يدوروا معايا الا اختي، بعد اسبوع كامل من قلب البيت فوق لتحت امي استدرجت ولد اختي بالكلام واعترف، كنت وقتها بالدوام واول مارجعت لقيتهم كلهم عاملين حلقة وولد اختي وراهم، اول شيء قالولي هوا : لقيتي جوالك؟ استغربت سوألهم قلت لهم لسى وابويا كان في غرفة النوم يدورلو، بعدها بدأ ولد اختي يتكلم ويعترف وتجاهلته تماما وولا صدقته لان طبعه تاليف الكلام

وبعدين

بعدها ابوي ناداني للغرفه اكمل معاه تدوير، رحت وشفته وهوا حايس قمت رحمته وقلتله بان ولد اختي الي رمى جوالي بالزبالة.. رده فعل اختي كانت غريبة وخلتني استغرب، زعلت مني لمن كلمته وقامت ترقع لولدها وتقول لابوي انه لقاه فوق الكنب يعني الغلط مو عليه ومني الاهمال، وطول اليوم كانت تدقني بالكلام وان ولدها بريئ بس انا تجاهلتها تماما يكفي صداعي واني راجعه متاخر وجوعانه، كملنا عادي ورحنا سوا سوق الذهب عشان ابيع طقمي المقطوع واشتريلي غيرة حلق، جاتني بالمحل تصرخ حرام عليك امي اولئ بالفلوس واذا ماتبغين تعطيها اياه اشتريلك فيه جوال، هنا تماسكت نفسي وقلتلها فلوس الذهب ماني صارفه منه ريال، ولدك الي رمى جوالي وانتي الي بتعوضيني

مر شهر عالموضوع وانا بدون جوال، وبالدوام يطلبون منا اعمال ورسلوا لنا جداول الحفل الختامي واشياء ضرورية وانا منقطعه عن العالم حتى امي غبت في حفل تخرج فصلي بسبه الجوال! كنت مقطوعة عن العالم ولمن جاء وقت الحق رحت كلمت اختي اني صبرت وتعبت واحتاج منك تعويض، رجعت تكرر علي كلامها واني الغلطانة، ابوي هنا قام من الغرفة وطلع، هنا هيّ استغلت الفرصة وطلعت من شنتطها ٢٠٠ ريال ورمتها بوجهي تقلي خذيها صدقة!
وقتها اتشادينا بالكلام ومن عصبيتي طلعت بدون ما ارد على نص كلامها حتى، بذا اليوم بالذات بدأت مقاطعتنا بصمت وبدون ما احد يدري
الان المشكلة تفاقمت وصارت تفتن بيني وبين اهلي وتحرضهم علي، حتى خالي عرف بالموضوع بس من ورى مين! من وراها هيّ وانا ماعمري نطقت بحرف دفاع عن نفسي حتى