ساعدوني ولكم مني الدعاء بالسعادة في الدارين

mac 3endahom 3lab ente tenaggeha.......alwanahom fazee3a

هلا و غلا حبيبتي شهوده ،،،

شهد اسم طالبة عندي أحبها حيل ،،، يمكن تكونين هي ههههههههه ،،،

شوفي حبيبتي بالنسبة لطلبك عن علبة ظلال يكون فيها ألوان حلوة و سعرها معقول ،، عندك :
- علبة اسمها لورنس LORANCE هذي موجودة بمي للعطور و بأغلب المحلات ،،
- و هي أحجام تبدأ من 35 ريال و توصل إلى 100 ريال طبعا الكبيرة جداً ،،
- و لو تبين الصدق مو كل ألوانها حلوة ،، و لازم تبللين الفرشة بالموية عشان تبين الألوان و تكون ثابته و ما تنزل تحت عيونك ،،
- كمان حبيبتي أعتقد إنها مصنوعة من مواد ضارة ،، و منطقة العين حيل حساسة،،
- ممكن تشترينها عشان تتدربين على وضع الظل ،، و إذا عرفتي من خلال استخدامك لها الألوان اللي تناسبك و طريقة وضعها و رسمها ، ساعتها تشترين هالألوان من الماركات الكبيرة المتميزة في الظل مثل ماك و ميك أب فور إيفر ،،،

طيب أكيد بتسألين نفسك ليش ماك و ميك أب فور إيفر بالذات؟؟؟
بالنسبة لماك : عندهم درجات ألوان رائعة و تلاقين من نفس الدرجة واحد مطفي و الثاني بلمعة معدنية ،، و كمان الألوان ثابته ،، و ينزلون لك أحدث ألوان الموضة مثل التركواز و الفوشي و غيرها،،

أما ميك أب فور إيفر: أيضا عندها كل الألوان ،، و اللي يميزها بعد إنو الظل جدا جدا ناعم و يسهل مزجه على العين مع أي لون آخر ،، و كمان ممكن تخلطينه مع شوي كريم أساس يكون سائل و خفيف و تحطينه على شفايفك باستخدام فرشاة الروج و يعطيك روج رائع بنفس لون الظل و ثابت ،، و ممكن تضيفين فوقه شوية جلوس شفاف أو ملون عشان تعطينه مظهر رطب أو لامع ،،،
و سعر اللون الواحد من كل الماركتين بحوالي 60 ريال ، و تلاقين ميك أب فور إيفر بوجوه و سواني صحارى و دبنهامر و هارفينيكلز،،
أما ماك لهم محل خاص فيهم في المملكة الدور الثاني ،،
أكيد صدع رساك من كثر حكيي هههههههههههههه ، بس يهمني حبيبتي إنك تفهمين حيل قبل لا تشترين ،، يعني باختصار تقرين كثير وتستفيدين أحسن من إنك تشترين كثير و تخسرين كثير بدون ما تستفيدين ،،،

طيب آخر نقطة هي مكياجك مع فستان فوشي فيه تموجات تفاحي و وردي ،،

ممكن يكون مكياجك سموكي أسود و داخل معاه الفوشي يعني حول العين و كل الجفن الثابت لون أسود ،، و فوق الأسود اللون الفوشي ،، بس لو كنتي صغيرة أو وجهك طفولي فهالمكياج راح يكبرك كثير ،،

و لو كنتي بالمتوسط أو الثانوي ممكن تحطين بس ظل تفاحي لامع ،، أو بس ظل وردي لامع ،،طبعا مع كحل أسود من فوق و تحت العين ،،،

أنا حاولت أجيب لك الألوان المعروفة و الهادية لأني ما أفضل الميك أب الثقيل ،، و إن شا الله الخبيرات في الميك أب الثقيل يفيدونك ،،

بالنسبة للظل الأسود مو أي ظل يعطيك السواد المطلوب بأعطيك أفضل الأنواع :
عندك الظل الأسود من نوبا بمحل مكياجي و خذي اللي شكله مسطح مو اللي شكله قبة و رقمه 45 ،،

و عندك الظل الأسود من جيرلان بس أتوقع سعره فوق 100 ريال

و عشان يضبط الظل الأسود المفروض تلونين كل الجفن بقلم الكحل الأسود اللي يكون لين يعني كريمي و ما يعور العين مثل كحل ديانا أوف لندن اللي لون فضي و مكتوب عليه بخط صغير
07 Blakest black و سعره 15 ريال و تلاقينه بكل محلات التجميل العادية

و بعدين فوقه تحطين الظل الأسود و تكونين مبللة الفرشة بشوية موية،،

و أيضا فيه علبة عند مكياجي فيها قلم كحل و كحل سائل و مسكرا و ظل أسود و سعرها فوق 100 ريال و اسمها black i و الكل يمدحها ممكن تجربينها بالمحل و تشوفين سوادها ،،،

و إن شا الله أكون أفدتك ،، و تطلعين قمر بهالمناسبة،،،

حبيبتي لحن الوداع

تسلمييييييييييين والله ماني عارفة ايش اقولك كفيتي ووفيتي الله يسعدك دنيا وآخرة.

على فكرة انا الطالبة شهد ههههههههههههههههههههههههههههههههههههه

طبعا مافي أحلى من ماركة
فور أيفر + ماك هذا شدو
طبعا غاليه بس قيمتها فيها
أما بنسبه لمكياجك ينفع معه الخليجي المطور
ألي يكون تحديد العين من الزاويه الخارجيه لون أسود مدموج
مع العنابي وفوق العنابي يدمج الفوشي بعدين وردي فاتح
بعده أبيض ألألوئي باغي الزاويه الداخليه لون التفاحي يكون مدرج
والكحل طبعا من كازنوفا فوق وتحت بعدين ندرج فوشي تفاحي
وأي أستفسار أنا في الخدمه

هلا اختي
عندك مثل ما قالت هالعلبه بالمويه تطلع روعه
وظل كارجا عندهم الوان خيال بس لازم يكون عندك العلب اللي تجي 42 لون زي ك1ا
لانه تلاقين الوان تدوريها في هالعلب
عندك
تسوي الظل بمحاذاة بعض مع الدمج المتقن
الزاويه الداخله تفاحي بالوسط وردي الطرف فوشي مع مراعاة فرش الالوان بالفرشاه الى فوق العظمه تحت الحاجب تحطي أصفر درجه فاتحه وفوقه اظاءه لؤلؤيه
تحت العين تحطي لمعه تفاحي او وردي او لون صارخ مثل الفوشي او اخضر صارخ
انا افضل اخضر صارخ
طبعا الزاويه الخارجيه للعين يكون فيه شدو اسود مجر طبطبه مو كثير تمويه يعيني من تسويه بشكل قوي صغير يعني عند الزاور ومن فوقها وتحت شي بسيط يعطي نظره حلوه
وتكحلي عينك كحل اسود بالرسمه اللي تحبيها يفضل الاسود على حول العين
واتمنى اكون افدتك