ساعدوني وهونوا علي لاني على وجه طلاق

السلام عليكم ورحمة الله وبركاته
انا تزوجت قبل فترة من شخص بعيد عن العائلة وكانوا اهلي مو مرتاحين له وولا حابينه ولما شاوروني استخرت واقدمت ع الموافقة وصار تييسير بالامور وتمت الملكة والزواج .
بس زوجي صار مو كفو من نواحي عديدة ماراح اذكرها + انه اهله غاشينا فيه بكذا نقطة وايضا ماودي اذكرها عشان ماتكون غيبة .
وانا الان طالبه الطلاق واهلي معي وبصفي الحمدلله .
لكن يحز بخاطري كثير واحزن واقعد الوم نفسي لاني وافقت عليه واهلي ماكانوا يبغونه بس انا قلت لا ابغاه واقول اكيد ماتوفقت لان امي وابوي ما ارتاحوا له من البداية
تكفون ابغى شي يريحني ، انا احس عصيتهم لما تزوجته بس هم ما رفضوا قراري لما قلت موافقه عليه بالعكس احترموا رغبتي والحين كمان محترمين رغبتي بالطلاق .


انا كتبت للفضفضه وعشان اشوف ارائكم هل اللي صار لي من عدم توفيق عشان الشي اللي ذكرت فوق ؟


والله يجزاكم خير ويسعدكم ويرزقكم من حيث تعلمون ومن حيث لا تعلمون في الدنيا والاخرة .