ساعدوني و أعطوني آرائكم يا اصحاب الخبره (( تربية الاولاد ))

انا عايشه بامريكا و دايما مشغوله بتربية بنتي عشان ما تطلع زيهم
فكرت بطريقه تخليني اعرف شو بدور براسها دائما :30: و بعدين اجتني فكرت المذكره ورحت اشتريتلها وحده و حكيتلها اكتبي فيها اي شي بصير معك و ما حد راح يشوفها لانه المفتاح معك انت و بس :D
المهم اني كل يوم بقرأ شو كتبت من غير ما تعرف و اليوم انصدمت :( كاتبه انها بتحب ولد بفصلها :icon33: :icon33: :icon33: هذا و عمرها لسا 6 سنين كيف لما تكبر :icon33: :icon33: :icon33:
المهم بعد ما صحت و بكيت و شديت شعري :D هديت و صرت افكر كيف احكيلها انه هالشي غلط من غير ما تعرف اني قرأت اللي كتبته؟ اجتني فكره و بدي منكم تحكولي رأيكم فيها
فكرت اني اشيل الصفحه اللي مكتوب عليها هالشي و ازا سألتني بالاول اعمل حالي مو عارفه عن شو بتحكي و بعدين احكيلها يمكن الصفحه يا ماما كان فيها اشي غلط و الله سبحانه و تعالى شالها لحتى تفضل كتاباتك حلوه زيك

الله يخليكم احكولي رأيكم او ازا عندكم حل ثاني لا تبخلوا فيه و بدعيلكم باللي بتتمنوه