كنت أسولف مع صديقتي
و قالت لي أجي بيتها
قلت ما أظن أمي بتوافق
قالت ليش كذا كل ما جت طلعة و لا عزيمة أمك عيّت
قلت لها والله أمي حايمة كبدها من صديقاتي
من مواقف صارت قبل كم سنة
من هالمواقف :
وحدة جت هي و أمها و أمها جابت معها رضيع و صحبات أمي من
الإزعاج هجوّأ و إن أمي عصبت من هالشيء
ما دريت إلا و البنت اللي أتكلم عنها تسمع
طبعاً هي صديقتي و أحبها و أحترمها
بس كنت أتكلم عن التصرف و كيف انه ما عجبني و لا عجب امي
حتى يوم أكلم صديقتي الثانية ما ذكرت أسمها
لأني ما أبي أحد يحتقرها أو شيء
المهم جتني ثاني يوم
قالت لي شكراً على الكلام اللي قلتيه عني أمي
و آسفين اذا ازعجناكم
قلت لها اني ما ذكرت اسمك
و ان امي انتقدت التصرف بس ما سبت أمك
و إن هالشيء مو حرام و لا حش لأني ما ذكرت أسماء
و اعتذرت لها
قالت المفروض ما تكلمتي بظهري انا صديقتك
و انتي كنتي عندي شيء عالي بس خلاص
و عدلي نفسك لأنك آذيتي ناس غيري بعد
و اني خلاص ما عاد اتحملك
و شايلة عليك من أول
قلت لها وش سويت لك ؟ قالت نسيت !
< قبل فترة قلت لها ان فيه بنات متضايقين منها غيري
كنت اشتكي لها و اقول لها اني متضايقة من تصرفاتها
و ضمتني و قالت آسفة بس كانت نظراتها باردة
الزبدة عادت نفس الكلام اللي قلته لها
قلت لها آسفة و بكيت و لا تروحين مدري وشو < أفلم اذا تزاعلت مع احد احبه
المفروض ان هالآعتذار يكفي ما بقى الا أحب رجولها
بعدين المفروض تقدر موقفي لأنها ما بقت أحد من أهلها ما حشت فيه
لا خوال و لا عمان و بنات عمان و أمها حتى ما سلمت من حشها
و ابوها و اخواتها
الزبدة ما بقت أحد
و أنا حتى ما ذكرت اسمها يعني ما يعتبر حش !!
دارت على صحباتنا كلهم و قالت تحش فيني و مدري وشو
و يوم حشت كلن بدا يقط حكي يعني صارت جلسة حشش:icon33:
ما اعرف وش حشوا بالظبط
بس البنت ما جتني و قالت لي هالكلام إلا بعد ما ظمنت ان الكل بصفها
عاد الله اعلم وش قالت لهم
بعد الحش هذا جتني و قالت اللي قالت
المهم زي ما قلت لكم بكيت
جيت بروح للفصل و لقيت وحدة من صحباتي بفصل ثاني
و قلت لها اني نفسيتي تعبانة
حظنتني و اخذتني فصل فاضي
قالت انا عارفة ان فيه مشكلة بينك و بين فلانة
قولي لي وش صار
قلت لها
قامت تلف و تدور
أول شيء قالت احسك سطحية ، قلت لها ليش ؟
تقول لأنك تلبسين ملابس من فوق لتحت ماركات بشكل مو طبيعي
قلت لها انا ستايلي كذا اغيره ؟ قالت لا بس انتِ بعض الأحيان أحسك مثل البنات الشقر اللي في الأفلام
قلت لها كيف يعني ؟
تقول انتِ دايم تروحين لـ orange county و ان الأمريكين ما يحبون هالمنطقة لأن يشوفون المقيمين فيها متكبرين
طبعاً اورانج كاونتي هذي مقاطعة امريكية في ولاية كاليفورنيا
معروف ان ما يسكنها الا الأغنياء
بعدين قالت : انتي من طبقة الأغنياء
قلت لها لا انا من الطبقة المتوسطة
قالت على الأقل انتِ من متوسطة مائلة للغنى
فيه متوسطة مائلة للفقر
و فجأة تقول أنا أبوي كان يشتغل سواق تاكسي
طيب أنا مو عارفة وش الغلط اللي ارتكبته ؟؟؟
دامني ما أهنت أحد ؟ و لا احتقرت أحد ؟
و قالت لي انا سمعت انك عنصرية من ناحية القبائل
قلت لها لا مو صحيح
للتوضيح : ( قبل كذا كنت اسولف مع وحدة كانت تشكي لي مشكلتها مع صحباتها اللي تركتهم
في يوم من الأيام الأولى ( غير قبيلية ) و الثانية ( غير قبيلية )
أمها ما عجبها الوضع قالت صدقيني بيجي يوم تتمشكلين معاهم ( أمها مرت بتجارب مريرة ! )
البنت عصبت على امها و قالت كلنا زي بعض و ما يصير نحكم على الشخص من كونه قبيلي أو لا
قالت امها بكيفك البنت الأولى كانت صديقتها مرة مرة مرة و البنت الثانية صاحبتها بعدها بفترة
المهم صديقتي هذي و البنت الثانية جتهم فترة صاروا فيها قريبات من بعض اكثر )
البنت الأولى غارت و عصبت و قالت لصديقتي كلام بذيء في ملفها الشخصي
كلام جداً سيء لدرجة ان صاحبتي كرهتها و تركتها !
و خلاص صارت علاقتها مع الثانية بس ( حسيتهم زوجات خخخ )
المهم جتهم وحدة ثالثة
و صارو الثلاثة صديقات
تقول صاحبتي هذي انها كانت تلاحظ نظرات مو طبيعية من البنت ( الثانية ) خاصة اذا تكلمت عن اخوانها ( البنت الثانية ما عندها اخوات اولاد )
لا و أزيدكم من الشعر بيت كانت تقول للبنت الثانية
ان صاحبتي تدخل اولاد لبيتها ( قلة أدب ! ) و بعدها تروح لصديقتي و تقول لها ان الثالثة تدخل اولاد ببيتها !!!
يعني ما ادري كيف اوصف هالبنت !
و هذي هي تجاربها المريرة =_="
و قالت من بعدها بدت تقتنع بكلام أمها
و ان من صفات الغير قبيلين انهم ... و ... و ...
وقتها كنت مجروحة 99% من صديقاتي مو قبيليات
و حصل لي مواقف مؤذية مع 99% منهم
ثنتين يتمشون امشي جنبهم تدفني وحدة منهم
بعض الأحيان أحس انهم يفضلون يجلسون لحالهم و لا يجلسون جنبي
و غيره من المواقف
قلت لها بصراحة .. الصفات هذي تنطبق ع اللي اعرفهم و مو قبيلين
و من اليوم بحاول اني ما اتوقع منهم الكثير
هالكلام قلته للبنت اللي صار لي معها الموقف من كم شهر
يعني اللي سرب هالكلام إما تكون هي
أو شخص سمعنا نتكلم
أنا أبداً مو عنصرية و لا كان ما اخترتهم صديقات لي
و ياما ضحكنا و انبسطنا مع بعض بس وقتها كنت مجروحة ^^"
ما اغتبتهم و لا شيء حتى و لا حتى شكيت منهم بدون اسماء
بس شكلهم تحسسوا
أكرر انا مو عنصرية بالعكس ما اشوف اني ازيد عنهم بشيء
بس اللي أبي افهمه : يسبون القبايل قدامي عادي ، بس ان قلت " ما رح اتوقع منهم الكثير " زعلوني
وش هالجبروت ؟!!!!!!!
طبعاً حالياً يتجاهلوني تماماً
و البنت اللي حصل لي الموقف معها تخطت مرحلة التجاهل ،, حاول تأذيني !!
حتى البنات اللي يعاملوني بشكل كويس حالياً تسوي نفسها طيبة معهم
سبحان الله " نزلت روح المحبة فجأة " و أول كانت تسفههم أو تحش فيهم "
ما كانت تشارك بالحصة أبد بس الحين غصب تبي تظهر لي انها شاطرة ( اللهم لا شماتة )
اليوم أستاذة الفيزياء عطتنا الدرجات يوم قالت اني جبت الدرجة الكاملة بدت تقلب عيونها
جرحتني صراحة
طول عمري اشتري لها هدايا هي و صحباتي اللي حالياً يتجاهلوني
ان مشيت مع وحدة و مشت ورانا اسحبها من ايديها و امشيها جنبنا
ان تمشكلت مع احد اوقف معها و الله يا إني وقفت معها وقفات !
معليش اقول لها وش مزعلني منك غير هالموقف تقول نسيت ؟؟؟؟
وش ذا فيه احد ينسى شيء شايله ؟
وش يسمونه هذا ؟
هل هو غيرة او حسد او وش هو بالضبط ؟
حالياً متضايقة مدري كيف بسترجع صديقاتي ؟ كيف اوقفها عند حدها ؟
جداً متضايقة مو قادرة اذاكر
مو عارفة افسر الأشياء اللي تصير حولي
مدري وش اسوي
فتاة حائرة @fta_hayr
عضوة جديدة
يلزم عليك تسجيل الدخول أولًا لكتابة تعليق.
+ ام ادم
•
الله يعينك
يونان..
•
حبيبتي انتي ...الله يفرج همك ويبعد عنك كل ضيقه يارررب
اولا شي ابدي ادعي رب العالمين اذا كانت خير لك يقربها لك هي والباقي من البنات
واذا شر لك يصرفها عنك ..ويعوضك بالأحسن
الي حسيته من كلامك انه تغار منك ..والبنت متقلبه شوي تبيك وشوي تبي تبعدك عنها
خليك حذره منها ولا تسلميها اسرارك ...عامليها برقي اخلاقك بالحسنه حتى لو اأسأت لك
والله يكفيك شرها يارررب
اللهم صل وسلم على النبي محمد
اولا شي ابدي ادعي رب العالمين اذا كانت خير لك يقربها لك هي والباقي من البنات
واذا شر لك يصرفها عنك ..ويعوضك بالأحسن
الي حسيته من كلامك انه تغار منك ..والبنت متقلبه شوي تبيك وشوي تبي تبعدك عنها
خليك حذره منها ولا تسلميها اسرارك ...عامليها برقي اخلاقك بالحسنه حتى لو اأسأت لك
والله يكفيك شرها يارررب
اللهم صل وسلم على النبي محمد
-
طنشي لآتهتمي
خلي تركيزك بدرآستك
لآيصير تفكيرك هذي زعلت وهذي رضت بسلآمتهم
عشت هآلفترة مثلك لما كنت بثاني ثانوي وبغيت
اضيع من ناحيه النسبه
بس تلآحقت على نفسي بثالث ثانوي
بس آستتمر آهتمآمي آلمفرط بالصديقات
وآلان آتلفت مآحولي آحد منهم
بغوني وقت حاجتهم ويوم خذوها رآحو
آلصدآقه شي جميل بس كل شي لآ زاد عن حده آنقلب ضده
عيشي لنفسك وآسعي لهدآفك ولآتهتمي ,
طنشي لآتهتمي
خلي تركيزك بدرآستك
لآيصير تفكيرك هذي زعلت وهذي رضت بسلآمتهم
عشت هآلفترة مثلك لما كنت بثاني ثانوي وبغيت
اضيع من ناحيه النسبه
بس تلآحقت على نفسي بثالث ثانوي
بس آستتمر آهتمآمي آلمفرط بالصديقات
وآلان آتلفت مآحولي آحد منهم
بغوني وقت حاجتهم ويوم خذوها رآحو
آلصدآقه شي جميل بس كل شي لآ زاد عن حده آنقلب ضده
عيشي لنفسك وآسعي لهدآفك ولآتهتمي ,
الصفحة الأخيرة