ساعدوني ياأخواتي

أجمل الغيد :

المتعارف عليه ان لكل شخص كاس رز ...يعني استعمل كاس من رز ابو كاس ويغسل وينقع .. والدجاج اعتقد نص حبة كافي جدا .. هناك قواعد لطبخ الرز اهمها ...اننا مانحط بهارات مطحونة مع الرز ... الطريقة يقطع فص بصل صغير ويشوح على النار مع شوي زيت ملعقتين تقريبا .. نضيف عليها عود قرفة عدل ونحط نص الدجاجة ونصب عليها الماء المغلي <<<<اذا كان الماء بارد يطلع دم الدجاج ونحط الملح الخشن الناعم ماينفع .. ممكن ملعقة كبيرة كفاية .. ويطبخ لمدة نص ساعة الى 45 دقيقة .. نطلع الدجاج ونحطه بصحن الفرن ويتبل (شوي من ماء الدجاج اللي بالقدر مع ثوم وفلفل اسود مطحون ومعجون طماط وكركم ..)وتدهن بها الدجاجة وتحمر بالفرن من فوق.. والمرق اللي بالقدر نحط فيه مكعب ماجي ونخليه يغلي لين يذوب .. طبعا الرز يكون مغسول ومنقع نشخله بالمشخلة ونحطه بقدر صغير شوي اصغر من قدر الدجاج .. بعدين نصب مرقة الدجاج عليه ونحاول ان البصل ماينزل مهعا .. ونضع معه بهارات عدلة (هيل مسمار فلفل اسود ) فلفل اخضر او احمر عدل ..ورق غار .. نسكر عليه ونخليه يطبخ لين يشرب الرز من الماء ويبدا يقل الماء مرة وبعدين نقصر عليه النار ..ونخليه ثلث او نص ساعة مقصر عليه .. ملاحظة (اول مايطلع الرز فوق ويبدا الماء ينشف نكون مسويين كشنة الرز وحاطينها على الوجه في القدر ) مقاديرها ؛؛بصل شرايح يشوح مع شوي زيت لحد مايذبل .بعدين نصك النار ونحط البهارات المطحونة عليه ملعقة صغيرة تكفي ,,مع شوي زبيب وفلفل حار مقطع صغاااااااار ... عند التقديم ..نشيل الكشنة اللي بالقدر مع شوي من الرز تقريبا ملعتين ونخلطهم سوا وتترك على جنب .. وبالشوكة نحرك الرز وبعدين ينكب بالصحن ونحط عليه الكشنة اللي رفعناها توضع على الجوانب في الصحن وتوضع الدجاجه في الوسط ونكون مقطعين فلفل بارد رومي دواير وتوضع على وجه الصحن تعطي رائحة حلوة للرز ,,, لاتنسانا من الدعاء

المتعارف عليه ان لكل شخص كاس رز ...يعني استعمل كاس من رز ابو كاس ويغسل وينقع .. والدجاج اعتقد نص...