ساعدوني ياأمهات

رجعتلكم ياامهات أنا اللي نزلت موضوع هل بنتي صعوبات التعلم



المهم رحت المدرسة مره ثانيه
وقالتلي المديره انو بنتي ماعندها لغة وانا على بالي لغة انجليزية قصدها لغه العربية اللهجة السعودية عشان كدا ماتفهم عليهم وانها ماعندها صعوبات التعلم

يعني قصدها بنتي ماتفهم عربي ومعلمتها تقول دامن متوتره وتبكي في الفصل وماتعرف تحل لما تشوف زميلتها وش يكتبوا وبعدين حتى هي تكتب زيهم
للعلم
(نحنا من زمان في السعودية ومواليد السعودية وحتى أمي وخالاتي من مواليد السعودية وعيلتنا كلها ماتكلم الأطفال الااللهجه السعودية)
بنتي ماتتكلم في البيت الا عربي وقلتلهامانكلمها في البيت الا عربي
وتقول بنتك تتكلم لهجتكم
كأنها عايشه معنا حتى تقول كدا
وتقول المديره غشيتها لما جيت اسجلها هي وقتها ماكانت موجوده وإنه بنتي ماجاوبت أسئلة التسجيل (صح أول مرة رحنا المدرسه ماجاوبت وعاندت بس لما رجعنا مره ثانيه اتكلمت)
والله العظيم ياامهات انه إداريات سالوها وجاوبت وسجلوها
وآخر شي قالت المديره أعطيك مهله و دوري ل بنتك حل وانقلها من المدرسة وديها مدرسة لغات وطبعا المدرسة بفلوس مو زي هنا ببلاش
يعني دحين عادي تفصل بنتي عشان هذا السبب
الموضوع غريب..وبس افكر
أول بنتي لي تدرس


ماشاء الله بنتي صارت أحسن وكل يوم ترجع بكلمات جديده ومتحمسه جداً للمدرسة
تكفون ياامهات ساعدوني وش اسوي في حال نفذت كلامها وين اروح



لا حول ولا قوة إلا بالله