عذبه 2012 @aathbh_2012

عضوة فعالة

ساعدوني يااخواتي اخاف اكون ظالمتها

السلام عليكم ورحمه الله وبركاته
كيفكم حوائيات ان شاء الله تكونوا في اتم صحة وعافية
اخواتي بدخل في الموضوع دغري انا عندي شغالة صوماليه ايمكن لها 5شهور مو مرتاحه لها ابد عليها حركات غامضة كلامها قليل ولسانها طويل وتكلم رجال زي جنسيتها وميته عالزواج والرجال وكذا مرة الاقيها تتفرج مسلسلات تركية لحست مخهم هالمسلسلات التركية مفكرين الحب والزواج كذا
المهم قبل فترة لقيت في شنطتها شباصه وكريم اساس ليا كابته في كيس صغير وقتها اخذته واتاكدت انه نفسه كريم اساسي بعدين واجتها وقلت انو ولدي الصغير فتح شنطتها واحضره وهذا زي حقي ومن هذا الكلام طبعا هي انكرت وقالت انها مستعدة تحلف عالمصحف وانا ماجبتلها سيرة الحلف عالمصحف بس قلتلها لا وانا واثقة فيكي انا كان قصدي اني انباها واني عارفة وكذا
قبل ايام سرت لمن اروح الدوام اترك ولدي نايم عالسرير مااصحيه طبعا غرفه نومي قلت خلاص لها كم شهر عندي اثق فيها وقبل ايام كان في مبلغ في شنطتي وانا متاكدة منه واليوم اخذت الشنطة للدوام انصدمت انو نصه مسروق ومش موجود سالت زوجي قال ابدا مااخذته فعرفت انها رجعت ريما لعادتها القديمة بالذات انا متاكدة مالي كم يوم شايفته والبيت مااحد دخله وانا ماعندي الا ولد صغير عمرة سنتين
طبعا اكيد فتشت غرفه نومي وعارفه مكان اغراضي (ذهب ساعات صوري مكياجي )وانا خفت انها ناوية عليها
قلت لازم اواجهها طبعا على طول انكرت قلتها احلفي عالمصحف قالت طيب وراحت تسوي مسلسل توضئت هي على بالها زي اول باقولها خلاص ماله داعي الحلف المهم لمن شافت الامر جد قالت طيب انتي احلفي قلت ايش احلف انتي اللي اخذتي ولا انا المهم واو يابنات قلك تستقبل القبلة وتحط ايديها بالمصحف تقول بالله والله وتالله
بسم الله انا انصدمت قلت شكلها خبرة قامت قالت انا مااخذ حاجات الناس قلت لا قولي مااخذت --- اللي في الشنطة قامت تبربر قلت قولي كذا تخيلوا وحطت ايديها بالمصحف وقالت بالله و و بعدين شالت يديها قالت مااخذت اللي في الشنطة قلت لا ايش فيكي ماتحلفين ليه تشيلي ايديك المهم عرفت وقتها انها هيا ولمن ضغطت عليها تمتمت كلام بعدين حلفت وقامت فيا قب ومسكت نص ريال قالت شوفي هذا انا مااشيله مدري تحسي زي حركات الحرامية
وسالتها عن كريم الاساس اللي قبل وكيف مشيتها لها حلفت الين شبعت انو حق عمتها يابنات انا متاكدة مليون في المئة انو كريم اساسي وقارنت بين الاثنين علي يدي
يالله لو تعرفوا قد ايه مرتاحة عندي ودلع معني معاها جدا رسمية لاني مو مرتاحه لها ابد
المهم قامت ترفع صوتها عليا وو تكلم خفت تسوي في شئ قولت لها انزلي تحت عند سلفتي خلاص دحين بابا يجي ياخذك
وتخيلوا لمن جاء زوجي واو انواع الصياح بس كيف لو تسمعوا صوتها صراخ مو بكى ومن قبل معايا اللسان الطويل وكلام
وتقولي ان شاء الله يوم القيامة نتقابل ونتحاسب وماادري ايش من هذا الكلام وقتها انا خفت والله شككتني في نفسي وبعدين قلي زوجي ايش تبغي فيها ممكن ظلمتيها ودحين رمضان من فين رح تحضري شغالة والدوام
وفي الاخير يااخواتي ساعدوني بالله ايش رايك في موقفها

يلزم عليك تسجيل الدخول أولًا لكتابة تعليق.

تسجيل دخول

اعيش للذكرى • 12 سنة

الله يعينك الافارقه احسهم مايصلحون خدم

الحياة أجمل • 12 سنة

استغفر الله
استغفر الله استغفر الله
استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله استغفر الله
استغفر الله
استغفر الله
استغفر الله
استغفر الله
استغفر الله

ابتسم وداخلي هموم • 12 سنة

لوسكتي عنها احسن

لانك بحاجتهاا مو شرط تحافينها ع مصحف

بس خللاص لا ترجعيها لانها اخذت موقف منك ويمكن تسوي شي

مكرونه بالباشميل • 12 سنة

غريبه تخليها تدخل غرفتك !
المهم بما انه صار بينكم هذا كله من مجادلات خلااااص سفريها بيعيها
وفتشيها زين قبل ما تنقلع

عسل قليلة دسم • 12 سنة

اكره الخدم ياناس

انا اي موضوع عن الخدم

اكتفي بكلمة

لاتعلييييييييق