ساعدوني يابنات ابوي بيذبح امي

والله يابنات انا ماني عارفة منوين ابتدي ولولا ثقتي فيكم يابنات حواء ماتجرأت وعرضت هالمشكلة .
مشكلتي او بالاصح مشكلتنا انا وامي واخواني هو ابوي اللي اخلاقه صعبة جدا ولاتحتمل خصوصا مع امي المسكينةاللي تشرب من مر افعاله الكثير وهي ساكته الين جاها الضغط بسبب ابوي تصدقون يابنات ان ابوي تقريبا 24ساعه وهو زعلان لا يضحك ولا يمزح ويوم يدخل البيت تقولون داخل قبره اعوذ بالله عانيت انا واختي من هالموضوع الين تزوجنا ويابنات احس ان عنده مشكله مع هالزواج بالبدايه يوم تزوجت اختي غصبها على عريسها لانه ولد اخته وبالاخر بعد مشاكل مالها اول من اخر تطلقت بعد ماضيق علينا والله يابنات عشنا اصعب ايام حياتنا والحين يوم جا موعد زواجي تدخل بكل شي وتشرط على اهل زوجي انهم مايسوون عرس وانهم ياخذوني بثوبي وبعد الحاح من زوجي وبعد مااعطيته انا من مهري 5الاف صار عرسي بس والله ماعزم ولا احد من جماعتنا ونفس الشي لاختي خطبها ولد عمي ويوم طلب الملكة مرمطه ابوي ولولا اصرار اختي كان ماتزوجت ولو تشوفون حياته مع امي ماتصدقون امي دايما في صراخ ومشاكل بسبب سوء اخلاقة المشكله يابنات مافي اي داعي للزعل ماشاء الله اخواني متفوقين بدراستهم ومستوياتهم عاليه وامي من النوع المرتب والنظيف لكن دايما يحبط ثقتها بنفسها والله يابنات امي لوتشوفونها ماتصدقون انها مخلفة وكل اللي يشوفها معي يظن انها اختي ودايماتهتم بجسمها الين ابوي صار يقلدها وسوا رجيم قاسيي والحين يابنات لو تشوفون وش يقوللي زوجي يقول ابوكي فضحنا بين الجماعة بس يخطب بنات الناس بعدين يبطل ويتركهم واكثر الناس اللي خطب عندهم ردوه لانهم يعرفون امي ويقولوله زوجتك ملاك ولاتستاهل انك تتزوج عليها بس الحين يابنات قرر اخوي يتزوج وابوي واقفله عقبة بكل شي يسويه لايبغا عرس ولا مطربه ويوم الملكة ماتصور معنا ولاشي والحين حالف انه مايعزم ولا احد من الجماعة والضحيه بكل ذا امي الضعيفة اللي صارت تدعي عليه وانا خايفة مره من الدعاوي مهما كان دلونا يابنات وش الطريقة اللي لازم نعامل ابوي فيها وجزاكم الله خير ومعليش عالاطاله.