اعرف وحدة ولدها فيه فرط الحركة وتزوجت وخلته عند أخوها ومرت اخوها لأن أهلها متوفين! غير عيالها اللي غير هالولد!!!! اذا الاب اهبل وباع عياله الأم تصير عاقلة وتحتويهم ع الأقل ليما يكبرون والله شي يغبن وبعد فترة بتشكي أن عيالها ينضربون ياما اطفال انقتلوا بسبب زوجة الاب

اسأل الله ان يحفظ الاطفال ولا يحطهم مع احد ظالم
تقهره؟؟؟ وش بيصير يعني؟
ينقهر كم يوم وينسى
لكن الاطفال بيعانون طول عمرهم
حتى لو زوجة ابوهم طيبه ما فيه زي الام
قولي لها ادري انك تبين تقهرينه
بس صدقيني بتفرحين فتره لكن لما تشوفين عيالك مهزوزين ومعنفين راح تعظين اصابع الندم
قولي كبريهم شوي وبعدها بكيفك
الله يحفظهم و يرزقها ان شاء الله

بتتزوج علشان تقهر طليقها ؟؟؟
اقولها لك والله ماتقهر الا نفسها وعيالها والا الرجال ماعليه متزوج ولا فكر فيها
واقولها اذا بتقهر زوجها تجلس علشان عيالها وتطلع النفقه من عيونه محد ينفعها الا عيالها
عمتي طلقها زوجها وهي ماتبي الطلاق وعيالها حول الست اخوانها اخذوها ومنعوها من عيالها وزوجها تزوج ورمى عياله من رباهم جدتهم ام ابوهم والله ياعاشو بذل وقهر وبعد مده عمتي زوجوها اخوانها لشايب وبرضو جابت من الشايب خمس عيال ومات وهم صغار ومسكت عيالها من اللي مات ومافرطت فيهم شافت عيالها الكبار كيف تعذبو وحالتهم حاله ندمت قد شعر راسها وهي كانت مغصوبه مو بكيفها

والي بتتزوجه ماعنده حرمه وعيال !!!
عجيبات هالحريم لو قاعده عند زوجها ومربيه عيالها بدال الطنقره ابرك لها ..
قولي لها الله لايسامحك ولايسعدك اذا هملتي عيالك ودمرتيهم ...
انا بعد امي وابوي تطلقو كلن شاف حياته ...
وعشت انا واخواني اثنين عند جدتي اه بس للان صار عندي ست اطفال وماقادره انسا الطفوله البائسه ..وللحين اتحسب علي اهلي مو قادره اغفر لهم تهميلتهم لنا خصوصا ان اخواني تدمرو نهائيا وضاعو واحد بالسجن بقضية مضاربات والثاني هاجر له فوق 15سنةورافض يتواصل معنا او يتذكرنا من البؤس الي عشناه

اه والله لا تتزوج والله الزواج كويس بس الاولاد احسن تجاهد وتربيهم نصيحتي لا تتزوج ابدا