البنات ماقصروا بالمجمعات بس بعطيك مطاعمحلوه ورخيصه
اوشال على الدائري الشرقي
كوبر شندني بالتحليه هندي رااااقي ولذيذ وغالي وفيه بديل له قصر الهند بحي القدس نفس الطعم والماكولات لكن اسعارهم ربع كوبرشندني يعني رخيص
عندك اسماك النافوره خطيييييير
والضوء الخافت حلو جوهم
وعندك الدبلومات وعندك كمان قصر السرايا حلو بس دائما زحمه ويمدحون مطعم سعد الدين بس مااعرفه اما حلويات سعد الدين واااااااااو
وفيييييه وفيه وفيه بس نسيت الحين لانو جت حزت نومي هههههه

شكرا على مرورك يالين اللجين بنات ابي اسواق رخيصة للبخور والهدايا فينكم يابنات اعطوني معلومات اكثر ماقصرتو بس الرياض كبيرة واكيد فيها اشياء حلوة لاتبخلون علي ياقمرات

شوفي قلبي فيه سوق اسمه الراجحي شوفيه في السويدي المهم انه رخيص مرره بس مو خلاقين تعرفيين وشلون كشخه وكله تقليد ماركه يعني زي مره شريت بلوزه من حياه مول ب900 بس انها كشخه شاريتها انا للعيد في يوم العيد شفت بنت خالتي زي بالضبط تتوقعين كم

ب90 يعني شوفي الفرق وهذولي بنات خالتي كشخه بمعنى الكلمه لبسهم ولبس عيالهم من الراجهي يعني تقليدماركه انا طلعت اشتري بلايز وتنانير منه تو ذاك الاسبوع بلوزه ب20 اهي تقليد ماركه صراححه خقق صراحه ابا قولك شىء بس لاتضحكين اختي وهي عروس اغلب البلايز والتنانير منه لاكن الفساتيين طبعا من محلات ثانيه ولبسه والله العظيم كل يسال عنه طبعا ماتقول انه من الراجحي علشان مايضجكون لانه معروف عند الناس انه رخيص وفيه الهرم اخو الراجحي لاكن هذا اكثر شي لبس بيت

وفيه عاد محلات كشخه عندك الرياض غاليري وحياه مول وصحارى والعلياء والسلام مول وغرناطه والبديعه اما المطاعم عندك الرومانسيه للرز وكنتاكي وهرفي وماكدونلز وعندك مطاعم الفيصيليه والمملكه وعندك مطاعم الاسواق ماعليش ترى كلامي كثير

اسواق المجد فيه الغالي والرخيص

عندك سوق حجاب فيه سوق الحريم ررررررررررروعه
اسئلي عن ام عبدالله الحضريه
وام عبد الله الدوسريه عندهم بخور روعه وخمريات شعر