السلام عليكم ورحمة الله وبركاته
انا اول مره اكتب في هذا القسم وماكتبت الابعد تفكير طويل
لان فيه قصص اقراها اخطر من حالتي لكني تعبت نفسيا وابي حل لموضوعي
انا متزوجه من 5 شهور وحامل وعندي مشاكل مع زوجي ماكانت موجوده قبل الزواج
مريت على فترة خطبه سنتين كانت حياتنا مثاليه
لكن بعد الزواج زوجي تغير كثييييير
وماني عارفه الاسباب
انا فترة حملي جالسه بيت اهلي لان شقتي فيها درج والدرج خطر على الحمل
مايحب يجي عندي نهائياااا واذا غصبته على الجيه يجي 5 دقايق ويمشي ويجلس يمن على هذي الجيه لمدة اسبوع كامل واحيانا اذا جا مايجلس معي يجلس مع خواني وعيال عمي في مجلس الرجال ولاحتى يسال عني
يكره مكالماتي دايم يهاوشني اذا دقيت عليه مع اني مااطلب منه شي احيانا ادق اسال عن اخباره بس
قبل العيد بيوم دقيت عليه ابغى اروح معه السوق عندي شغله بسيطه قالي انا حاليا مشغول مع امي واختي اذا فضيت دقيت عليك قلت له اوكي
وانتظر منه مكالمه الى الساعه 9 بالليل ولادق علي
دقيت عليه انا وسالته عن سبب التاخير قالي انا نزلت اهلي البيت واخوياي دقوا علي قالوا تعال معنا البر الجو اليوم حلو ولايفوتك فرحت معهم
وسالته انا انتظرك ليه ماعطيتني خبر على الاقل. رد علي بصراخ انتي تطفشين الواحد انا بررت وانتي كيفك تبين تزعلين زعلي(يعني حتى اعتذار مايعرف يعتذر )
واذا جلس معي يحط التلفزيون ويمدح البنات او يجلس يسالني عن بنات فلانه حلوه ولا لا(هو يقولها على سبيل الميانه مو على شان يغيضني لان اهله من هالنوع يمدحون البنات في وجه عيالهم وعيالهم يسالون وهم يجاوبون لكن انا احترق من داخل وان شالله الله يحللني لان حتى البنات الجميلات اذم فيهم يع صارت تفشل واجلس اعيب في شكلها)
ومره من المرات يوريني جواله مقاطع مخله بالادب في حياتي ماشفت مثلها وقالي انا صريح معك غيري يخبي لكن مااحب اشوف شي بدون مااوريك مع انه ايام الخطبه كان يحلف انه ماعمره شاف هذي السوالف واذا سالته يقول ايا الخطبه كنت مابي افرط فيك واخاف ترديني بس اللحين حنا متزوجبن عادي حتى لو تهاوشنا(وماني عارفه اخاف اهاوشه وبعدين يشوف من وراي ولايكون صريح معي يخاف من الهواش واخاف اسكت يتمادى ويقول هذي عندها كل شي عادي)
واليوم انا عندي موعد عند الدكتوره وطلعت له عادي وكان الوضع طبيعي بس هو متسبب يدور شي يتهاوش معي فيه
قال انتي ليش امس دقيتي علي وانا جالس مع اهلي
رديت عليه قلت ماكنت ادري ان هذا موضوع يزعل
سالته انت فيك شي ليه متضايق فيك شي مضايقك قولي جلس يصرخ علي بنفس الموال انتي تبيني انخلق على شانك اجلس اقابلك واقولك احبك من اصحى من النوم اللي انام على شان ترتاحين بعدين قال انتي ماتقدرين اليوم غزه 200 قتيل وش تبين الواحد تكون نفسيته
استغربت في بالي ليكون يفكرني اسرائيليه وانا اللي ذبحتهم بعدها سكت
وهو جالس يصرخ مازال فيه قهر مني يوم فرغه وصلت عند باب بيتنا ونزلت لاهو دق علي ولا انا دقيت عليه
ابغى اعرف هل انا الغلطانه ولاهو ؟وش المفروض اعمله ادق واعتذر ولا انتظره يعتذر؟انا حاطه املي بعد الله فيكم انا في حيييييره
مع العلم ايام الملكه كان شخص ثاااني شخص مثالي 24 ساعه بس يكلمني او يجي عندي ويخاطر لان اهلي مانعينه يشوفني
يلزم عليك تسجيل الدخول أولًا لكتابة تعليق.
الشمعة والدمعة
•
يا أختي هونيها تهون الظاهر زوجك هو اللي متوحم عليك بس اللي أشوفه أنك تقللنين إتصالاتك فيه أوتجلسين فترة خليه هو اللي يتصل الرجاجيل يحبون الحرمة الثقيلة اللي تتمنع مو اللي كل شوي تدق وتسأل وين رحت وش سويت وليش ما سألت أدري أن ذا الشي يمكن يزعلك بس حبيت أقول لك اللي يمكن هو ما قدر يقوله لإنه يمكن يخاف يجرح مشاعرك يمكن زوجك انصدم من سالفة الحمل ما توقع يكون بألحين تخبرين المسؤلية والضغوط . بس يا عمري إن شاء الله فترة وتعدي وأنت عليك بالاستغفار والدعاء سلاح الؤمن الله يسخره لك ويديم المحبة والود بينكم وترجع حياتكم مثل أول وأحسن آمين
مع العلم ايام الملكه كان شخص ثاااني شخص مثالي 24 ساعه بس يكلمني او يجي عندي ويخاطر لان اهلي مانعينه يشوفني
قلتيهاااا شكل زوجك يحب الشي الصعب يعني يحب التحدي
يعني يحب التغلي :)
اتمنعي واثقلي عليه وشوفي كيف يجري وراكي
قلتيهاااا شكل زوجك يحب الشي الصعب يعني يحب التحدي
يعني يحب التغلي :)
اتمنعي واثقلي عليه وشوفي كيف يجري وراكي
الصفحة الأخيرة