انارائي خلي زوجك يطلع على كل الموضوع ويقراء الرسائل وبعدها قولي لاختك لانه واحدمثل هذ توقعي منه اي شئ ممكن يتبلاك وخلي زوجك على علم بكل شئ لاينقلب الموضوع ضدك والله ييسرلك ويفرجلك

اهلين خواتي معليش تأخرت عليكم
حاولت ماأبين لأختي عن فعايل زوجها لأنها بتنصدم ويمكن يصير شي بعدين اناأتحسف
المهمم لو بقولكم كم عدد الرسايل إلي وصلت منه ماتصدقون
بس أنا ماارد عليه وأحياناً أظطر أرد عليه لأنه يرسل وإذا مارديت يدق علي بالجوال ويقطع ولا عشرين مره يجبرني على الرد
وكان يرسل رسايل والله الواحد يستحي يقولها
ومن ضمن الرسايل رساله يبين فيها أنه من سنين وهو يحلم بي أثناء النوم والحلم بايخ وقلت ادب
وغيرها وغيرها .روساله يقول فيها أنا ماأرتاح ألا لين تقولين لي أنتي تحبيني تراني ماتعشيت ولا نمت بسبايب إنك مارديتي.وأنا إلي فهمته يبغى يمسك علي شي وفي الأخير أرسلت له يأخي أتق الله أحنا في بيت الله وعيب عليك هذا الكلام وتراني ماأرضاه على أختي وسؤالك عن حبي لك فهو أنا أحبك محبه شرف لأنك زوج أختي وولد عمي فقط وإن كان قصدك شي ثاني فلا وألف لا
وقلت له تراني أحب زوجي وأبو أطفالي أحبه حتى أكثر من نفسي
المهم وش قال شافني ماعطيته وجه قال الله يخليكم لبعض بس أرجوك أستري علي لايدري أحد بالموضوع . ولا إتعظ لازال يراسل
المهم الموقف صعب جدا ًوالله إني كلما شفت أختي إني أحاول أكتم بكائي لأني والله أحبها ولا أرضى بفعايل زوجها وألحين إلي خلاه يتجرأ علي أكيد أنه راعي سوالف وبلاوي
والله يابنات إنا إذاجينا بنطلع سوى سواءً نبغى نروح لرمي الجمرات كان يناظرني مره ولا يستحي إن قدامه حرمه أو يحترم زوجي لاو كان ودي إني أخبر زوجي بس والله ماخبرته بأفعاله والله زوجي وياه أعظم من الأخو وأخوه وهو طول هاذي الفتره إلي رحنا معهم جنبه في مقعد سواءً الطائره أو الباص ياكلون ويشربون سوى وهو إلي مكلمه يوم عزمنا نروح للحج وقاله إذا كانكم بتعزموم معنا وتوكلون على الله ونروح سوى يعني ماقال لأحد من أخوانه قال لهذالنذل رغم ان زوجي أخوانه 6ماشاالله
المهم ما أدري وشلون صبرت على فعايله يمكن ربي راحمني علشانا في مكان عباده
ويوم جاء طواف الوداع والله يابنات ماتصدقون والله إن كل كلمه قلتها إني صادقه فيها ويشهد عليها ربي يوم الحساب وفي يوم جمعه إني ماأكذب .في أخر يوم ذهبنا للحرم وبينما نحن نطوف طواف الوداع أنا طبعا ماسكني زوجي وأحنا نمشي قدام واختي وزوجها ورانا وطلع أهو وراي بالظبط وكان جداًراص فيني بقوه يعني ظاغط ولو عنده ضمير كان خلا أختي أهي إلي وراي وأهو يصير ورى زوجي بس والله إني
كلما رحت أبعد مع جهه إنه يجي وراي ثانيه ويرص ويضغط ظغط ماهو طبيعي وخاصه يابنات ؟؟؟؟؟؟؟؟والله الواحد يستحي يقول هالكلام وزوجي والله واثق منه مايدري عنه
وبعد ماطفنا وسعينا على طول رحنا للمطار وركبت أنا وزوجي في الطائره وكان فيه ثلاثه مقاعد فاضيه بجانب شباك الطائره جلست في المقعد إلي بجنب الشباك وجلس زوجي بجانبي على طول وبقى مقعد بجانب زوجي فاضي مافيه أحد ونحن ننتظر أختي وزوجها لما يركبون الطائره لأنا سبقناهم
وزوجي صار قلقان مره عليهم لأنهم تأخرو وكان يتصل على النذل زوج
أختي
هااه وينكم ؟؟ تأخرتوا .أحنا في المقعد رقم 45
المهم جاو تخيلو يابنات والله إن زوجي قايم من مقعده وخلا أختي تجلس بجانبي وزوجها بجانبها . أتمنى أنكم فهمتوا وهذا طبعاً بأمر من زوجي أهومن نفسه شفتوا يابنات طيبه هالقلب وبعدين زوجي مسكين راح يدورله على مقعد ثاني أنا والله ماقدرت أتمالك نفسي قعدت أبكي بكاءًمره كان قوي وكانت أختي تهديني وتقول وش فيك هذا غير البكاء إلي بكيته في المطار أول مره تشوفني أختي أبكي في المطار ولما بكيت في الطائره قالت وش فيك أمانه تقولين لي قلت أبد مافيني شي وكان أهو بجنبها يقول لها مافيها ألا العافيه تذكر الله . وكنت صابره كلها والله علشان أختي .المهم يابنات زوجي حس فيني وبكائي لأن صوتي مره طلع وأنا أبكي . وعند وصلونا مطار الرياض قال زوجي إيش فيك قلت أبد مافيه شي أهم فكروا أني أبكي علشان أطفالي .
ونحن في الطريق من المطار إلى المنزل ونحن في السياره قال زوج أختي الكل يبيح من الثاني قصده أنا يبغاني أبيح منه .المهم زوجي شك ولا باح منه .المهم كرر الكلاام مره ثانيه بيحوا عني قالت أختي لزوجها بضيقه ليش تقول ذالكلام إحنا مع بعض وإنشالله مانتفرق مايقول هالكلام ألا إلي بيقعدون فتره مايشوفون بعض. المهم رجعنا بالسلامه لبيتنا وأنا في صدري ضيقه كلما ذكرته أحس إن صدري مكتوم مره وكلما تذكرت هالكلام جلست أبكي . وزوجي لما شافني أبكي قال أنا حاس إن في الأمر شي أنا حاس إنك مخبيه علي شيس قولي لي .في البدايه قلت مافيني شي .قال تقولين لي ولا بوديك بيت أهلك .أنا فكرت بعقل وقلت ليش ماأقوله دام أني واثقه من نفسي إني الحمد لله ماعطيته وجه .وقلت له بس ياليتني ماقلت له ؟؟؟؟؟؟؟؟ أكمل بعدين تعبت من الكتابه
أنا في إنتظار وجههة نظركم

انا نصيحتي لك لا تقولين لاختك ولاحتى زوجك لان المسألة حساسه جدا..
الحل الامثل انه انت بنفسك توقفينه عند حده ..
اذا استمر برسايله ارسلي له رساله وادعي عليه فيها وقولي انك ماراح تقولين لاختك وزوجها علشان مشاعرهم (ضروري تقولين له انهم ما يدرون )>>> لسببين .. اولا .. علشان لا يستغرب مثلا من ردة افعال زوجك لما يرحب فيه عادي ولاكن شي حصل وهذا حفظ لكرامة زوجك ..
ثاني شي ممكن انه يتراجع ويدحر ابليس ويتوب وتكونبن بهالشي عطيتيه فرصه ..
نصيحه اسفهيه واذا بتردين عليه خليه مسجاتك دينيه فيها تذكير بالله ولااااااااااا تكتبين اي امور اخرى ..
واحتفظي بمسجاته ومسجاتك احتياط علشان لو صار اي شي لا سمح الله كإثبات معك .. واذا تاب امسحيهم ..
والله يارب يكفيكم الشر

بكمل لكم غدا إنشالله لأن ألحين بروح أصلح العشاء
ألحين الساعه 7:36 م
وإنشاءالله بكمل غداًالساعه 1 بعد الظهر لأن زوجي معزوم بكره على الغدى وبكون فاضيه
أوكيييه . مع السلامه

ننتظر