ساعدوني ياحكيمات بمشكلتي تعبت حيل

السلام عليكم يابنات حواء
مدري كيف ابتدي بالموضوع عمري 21 متزوجه من عشر شهور مشكلتي مع زوجي
اول شيء اكتشفت انه كلم بنت يعرفها قبل الزواج ويومن تزوجني تركها وجواله عندي كان 24 ساعه
وفججاءه دقت وترسل له رسايل يعني بعد طول غياب رجع لها بيوم واحد وارسلت لها رسايل من جوال زوجي سب فيها
وفرقت مابينهم وزوجي نكر السالفه نكران قال حقت خويي المهم تركته اسبوع ورجعني اخوي له وتاب ماعاد يكلم

مع اني مو واثقه فيه المهم لزعلني وتهاوشت معه مايجي يكلمني ابد نجلس باليومين مانتكلم انا اجي واتصالح معه
المهم مسوي فيها كبرياء وعزه نفس
ياخوات زوجي كان راعي سوابق وتاب وكان يقولي انا قبل كنت استخدم مال من الدنيا وتعبان ودي اموت بس الحمدلله ربي فكني يقولي كان يشرب وكان ياكل حبوب من سنين وتركها وعقل الحمدلله قالو لي عقل وتاب وتزوجته


الزبده يابنات انه البارح دق عليه صديقه الله لا يوفقه ونغزني قلبي قلت له فلان دق عليك تخييييييلو راح دق عليه
ودخل الغرفه يكلم الا فجاءه دخلت عليه لقيته

فاااتح الفيش حق اللمبات شايله ومخبي فيه حبوب بمنديل وجالس يسحبه بعود اذان عشان مايمسكه الكهرب

شفته قلت له وشو هذا طنشني وقااام يركضقلت له وقف هو تفشل انحرج توهق مسكت باب الصاله ووقفت قدامه متكيه عليه
قلت له وش هذا قالي وخري تخيلو فتح الباب بقوه وصفقني فيه وطحت اتألم ولا رجع قال صار فيها شيء
وجلست ابكي ساعه ونص بجنون بجنون مت قهر
تحطمت امالي اللي كنت راسمتها فيه كنت احلم بعايله تقيه وسعيده وكنت اقول بربي وبسوي
للعلم ااني كنت ماجله الحمل لاني خايفه ينتكس مثل قبل

وبعدها رجع يقولي ليش تحطين بجوالك رقم سري قلت شاك فيني صح قال لي لا بس ليششش يومن طلبته حطيتي
قلت ماعندي لاخدمه بلك بيري ولا شيء وحاطته عن اعيال خواتي لايتعبثون فيه
وقلت له لااااااااااااتقلب السالفه علي وش هالحبوب هادي قالي وايرات سياره قلت كداب
تدرون وش قالي..،
اول شيء قام ينفض فيني ويوجي فيني يمين ويسار وحدفني ع الارض قالي
ان طلعتي شيء مو فيني لادوووووووسسسسسسسك برجلي دوووووس
خايف اني افضحه عند هلي وهله وطلع ورسلت له رساله حسبي الله عليكم
ورجع بعدها بنص ساعه قالي وش هالرساله وتهاوشت معه قلت منت بكفو انا فوق وانت تحت وينك ويني
منت بمستواي وانا دانه ببيت اهلي واخدتني ودمرت احلامي اللي رسمتها لك وخيبت ضنوني فيك
انت ماتستاهل ومحد قبل فيك غيررررررررررررري
قالي تتمننيني اخدي غراضك وروحي بيت هلك قلت ماني بقاعده عندك باخد غيرك يرزني ويعزني
المهم هو مره بااوال الزواج بعد شهر مد يده ودفعته رضوه
الايجابيات اللي فيه مو بخيل حنون طيب معي رومنسي شوي

لسلبيات فيه كبرياء وحقد بس مو علي ع اشخاص ثانيه ماضيه زفت يدخن
بالموت يمشيني ويطلعني بالموت ماقد جاب لي هديه قلت له اشتري لي جوال كيوتن هديه لي قالي لو بجيبه بجيبه من نفسي مو انتي تقولين لي جرحني حيل

سالفه الحبوب له اسبوع ترك الدخان ماضنتي يستخدم لان نومه كويس مالاحظ عليه تغيرات
اشك انه يبيع او يخبيه لخويه
شورو علي يابنات اتطلق منه ولا وش اسوي هو يبيع بسهوله حسيته
انفذ بريشي ولا وش اسوي دامني ماعندي اعيال