أبيكم توضحون لي اذا كنتو مجربين
كيف السفر مع طفلين سنتين ونص والثاني 8 شهور؟؟؟

الله يعينك على السفر مرره متعب وخاصه مع الاولاد يملون ويبكون من طول الطريقانا عندي ثلاثه اولاد احمل همهم في السفر اكثر من السفر نفسه بس ايش اسوي قبل لانمشي اشتري لهم شغلات حلوه مثل حلويات باشكال حلوه مع ان شكل اولادك صغار وكمان اجيب لهم العاب صغيره وما يشوفونها الا في السياره ينشغلون بها لاكن مع هذا يملون بالمره ويتخصمون :icon33: :icon33: :angry2: :024:

وتري انا زيك ساكنه في مدينه ريفيه صغير وعندنا نفس الكلام الي قلتي المستشفي الحمد لله متوفر وعندنا الول مارت طبعا وما فيه محجبه الا انا وكمان حجابي نقاب واسود كله في البدايه استنكروا شكلي وبعدين تعودوا بس الوحده ذابحتني ذبح ونروح للبقاله العربيه في مدينه ثانيه يوم الجمعه لان زوجي يصلي فيها وفيها كل شئ طولت عليك بس علشان تعرفين ماهو بس انتي الي معزوله عن العالم الله يعين على هذي الغربه

ويش قصة الهدايا هذا الايام فى مواضيع مايو اول ما اقراء هدية ادخل بسرعة

قبل ما يسبقونى البنات واحدة طماعة

الان ندخل فى الجد اولا اختى الدعاء ثم الدعاء والله يكون فى عونك فعلا

يوم سافرت الى شيكاكو وهى تبعد عن المكان الى انا فية من ست الى سبع ساعات

بصراحة كان همى الوحيد هو الخوف من الطريق بس اول ما مشينا وشفت الطريق

نسيت الخوف انشالله ان ربى يوافقكم ويجعلها رحلة خير عليكم اهم شيء تستغلى

الفرصة وتستمتعى بكل شىء برحلة حاولى تاخذى معكى اكولات خفيفة وبعض الحلويات

والمكسرات خذى بعض شروط الانشاد الحلوة حاولى تدخلى منتدى الحياة الاسرية

فيها افكار جميلة لرحلة بنسبة للبنات حاولى تجهزى واكلهم واهم شىء لا تنسىء

ما تاخذى لهم البندول تبع الحمى لانة سبحان الله يمكن يتغير الجوء فى السيارة مع

السفر الطويل فى الاخير اتمنا لك رحلة سعيدة وعفوا للاطالة

وعليكم السلام ورحمة الله وبركاته

ياهلا ومرحبا بورد الريف

كيف حالك وبناتك ان شاء الله طيبين...


بالنسبه لاسئلتك اول شي حطي في بالك انك رايحه تنبسطين وتغيرين جو
وبعدين كل شي بيهون عليك ..
لاتشيلين هم الطريق بتنسين انك بسفر من روعة المناظر والخدمات الراقيه
اصلا ماراح تحسن انك بسفر ..... :)
لاتنسين الكميرا بتمرين على مناطق خياليه خوذي لك كم صوره للمناظر الطبيعيه ...
بناتك لهيهم بالالعاب خاصه الصغيره جيبي لها من الالعاب اللي تعلق على الكارسيت ونوعي منها وان شاء الله بتنشغل فيها ولاتنسين العابها الي تمسكها بيدها ...
والكبيره جيبي لها الوان وكراسات للرسم والعاب خفيفه و فيه سبوره حلوه لللاطفال عند تويز اراص رهيييييبه...

كثري من المناديل المرطبه تلقينها عند سامز كلب كرتون فيه ثمان حبات
تحتاجينها مره ابالسفر انا مااستغني عنها ابدا
كل ماخلصت من الاكل حتى لو سناك عطيها تنظف يديها ...

وكل بين 3 او 4 ساعات ارجعي لهم وراء والعبي معهم علشان مايملون لكن لاتطلعينهم من الكارسيت علشان مايتعودون
والصغيره طلعيها علشان ترضع وعلى طول رجعيها ...
ولو توقفون عند رست ايريا افضل تمغطون رجيلاتكم والبنات يغيرون جو...
الاكياس البلاستيك الفاضيه لاتنسينها تستهلكينها بكثره في السفر
وقبل كل شي لاتنسين السجاده والبوصله
خوذي اشرطه وكتيبات تسليكم بالطريق..
تلقين باي سوبر ماركات علبه بلاستيك فاضيه شبيهه بعلب المويه علشان الوضوء...
فيه عند ول مارت زي الفراش الصغير بلاستيك علشان تغيرين لبنتك عليه بالسياره اذا اظطريتي مع اني افضل اغير للصغار في الحمامات اريح وانظف..
بنتك الكبيره خوذي لها كرسي الحمام -الله يعزك- الخاص بالصغار سبق وحطيت صورته في موضوع نجد33 اشياء اعجبتني بالاسواق الامريكيه ..

فيه بعد زي المخده خاصه للاطفال اذا ناموا بالكارسيت مفيده مره علشان
يرتاحون بناتك بنومهم ولاتعورهم رقيباتهم ..

لو عندي وقت نزلت لك صور تستاهلين ياورد لكن والله مشغوله

فيه محطه كبيره مشهوره توجد غالبا على الهاي وي اذا عرفت اسمها كتبتها لك
فيها اغراض خاصه للسفر مرررررررررره حلو وعمليه
استفتدت منها كثير وشريت منها اشياء ماتحلمين بها
مثل فرن صغير تشبكينه بالسياره علشان لو بتحمين اكل للصغار او تسوين لكم سندويتشات سريعه ساخنه
وغلاية مويه صغيره وجهاز صغير يسوي كوفي ..


هذا اللي في بالي اذا تذكرت شي رجعت لك ..
بالنسبه للمحلات والمطاعم روحي لموضوع واشنطن وبتلقين الاجابات الكافيه باذن الله..


تمنياتي لك برحله سعيده وموفقه ...

اهلين وروده
بالنسبه للفتره اللي بتقضيها في السياره مع البنوتات الله ايعينك عليهم الصراحه صعب واهم شئ تدعي الله ييسر امرك انا الاسبوع الجاي بسافر في الطائره وافكر ايش اللي بيصير فيا مع اولادي مع ان بينهم فتره من العمر الكبير 9 والصغير قرب علي 3 وهم في البيت شجار وخصام فما بالك في مكان واحد 8 ساعات في الجو افكر في الصراخ الله ايعينا وزوجي موش معايا الله ايعيننا
بس انتم سيارتكم وعلي راحتكم كل ما حسيتي بتعب منهم توقفوا وانزليهم حتي يرتاحون اشوي
وبالنسبه ايش تاخدي معاك طبعا اهم دواء الحراره وحطي لهم في شنطه اتكون قريبه منك غيارات دايبر وحليبهم وملابس زياده لان لا سمح الله ايرجعون علي ملابسهم ومناديل ورق
وبعض من الحلوه حتي اتسكتينهم واكلهم الخاص بهم والعاب يتسلون بها
وان شاء الله توصلون بالسلامه وبدون تعب ان شاء الله انكون افدتك هذا اللي اعرفه

ماعندي فكرة عن السفر مع الصغار

لكن حبيت أدعي ان الله ييسر أمركم

وتكون سفرة موفقة